Connect with us

SMAC: Prome evento carnavalesco ta den ballroom y te cu 500 persona

Aruba

SMAC: Prome evento carnavalesco ta den ballroom y te cu 500 persona


Prome evento carnavalesco mester a tuma luga diasabra awo, pero a cambia e fecha. Motibo di esaki ta e tempo cu SMAC a ricibi tabata mucho cortico. Tur partido na mesa ta yegando na un acuerdo y e fecha ta dia 27 di november. tambe a yega na palabracion cu lo evalua e prome evento y si tur cos bay bon, lo sigui cu e otronan.

Jason Brown, presidente di SMAC, a splica cu nan tur a sali positivo. E ta contento cu Crisis Team a tuma tempo pa splica nan detayadamente kico mag y no mag, tambe con nan por traha hunto. E no ta sinta solamente na Crisis Team, SMAC y grupo di carnaval, pero pueblo tambe. Mas yega na un porcentahe halto di vacuna y mas safe hende ta, esey ta algo miho pa SMAC y mas lihe lo por sali dje situacion. Asina ey por bay bek na mas normal posibel.

Un otro motibo cu tur cos a pega p’e evento di dia 13 di november ta e situacion financiero cu a pega. Logisticamente e no lo tabata factibel door di e tempo duna (time frame), pero e organisacion ta positivo y ta sigui bay dilanti pa dia 27. Riba e dia ey pueblo lo por spera un evento den ballroom cu cantidad limita. Brown a informa cu e siman aki ta saca e ticketnan y pa hende bay busc’e di biaha pa no keda afo.

A palabra cu Crisis Team di organisa cinco evento, pero cada evento cantidad di persona lo aumenta. Basa con e eventonan bay, lo dicidi con ta habri bek na e normal mas posibel. E cantidad maximo di persona pa dia 27 di november ta 500, di cual 250 ta pareha pero en caso cu despues dje evento 40 persona contagia ta e threshold, esta lo para tur cos. Despues cu tur cos bay bon, e di dos dia di actividad lo ta 8 di januari 2022.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top