Connect with us

Sindicatonan: Ultimatum na gobierno pa diabierna awor riba recorte di 12.6%

Aruba

Sindicatonan: Ultimatum na gobierno pa diabierna awor riba recorte di 12.6%


Posted on 12/2/2021 2:54 pm AST | Updated on 12/2/2021 2:58 pm AST

ORANJESTAD – Un bloke di 15 sindicato a duna gobierno di Aruba te diabierna awor (mayan)  5’or di atardi pa contesta nan carta riba e recorte di 12.6%. Asina vocero di e sindicatonan Eduard Maduro (SADA) a bisa durante un conferencia di prensa diahuebs atardi. E carta ta un contesta riba e proposicion di gobierno di diaranson, unda cu gobierno ta sugeri pa e.o. sindicato ta parti di un commission cu tin cu yuda delinea un solucion pa e recorte aki. 

MANIFIESTOMaduro a recorda cu a pidi gobierno dos cos den e manifiesto di siman pasa, esta pa stop e recorte di 12.6% per direct, y tambe pa si tin cambio, mester haci esaki na mesa di negosacion cu participacion pa wak con ta yega na un caminda cu tur hende por biba cu ne.

CONTESTA DI GOBIERNO

Riba e contesta di e manifiesto, gobierno a dicidi pa propone e sindicatonan pa bin cu un commission pa hunto cu experto riba tereno di finanzas publico, wak kico ta e possible parti cu por dialoga ariba. A mustra cu gobierno tin 3 experto riba e tereno di finanzas disponible y cu ta keda na sindicato ken ta forma parti di nan banda y den ki forma esaki tin cu bay. 

REACCION SINDICATOMaduro a sigui bisa cu a bay bek den seno sindical, unda cu a dicidi cu ta manda un contesta bek pa gobierno. Entre e contesta, e sindicatonan ta para ariba cu nan ta insisti cu gobierno como punto uno mester revoca e 12.6% per direct, esta per 1 december 2021. Esey ta e prome condicion, y e ora e sindicatonan por bay di acuerdo pa forma parti di e commission sugeri. Pero, ta insisti si cu esnan cu ta forma parti di e commission, mester ta parti solamente di e grupo sindical cu a firma e manifiesto di dia 25 di November 2021. Esey ta nifica cu e sindicatonan TOPA, STA, SINBA y ABV no por forma parti di e commission. E motibo ta cu segun Maduro, si nan no a participa na e manifiesto, ta pasobra nan ta di acuerdo cu e recorte di e salario di 12.6%. Nota: Potret screenshot TeleAruba.





Source link

Click to comment

Leave a Reply

Your email address will not be published. Required fields are marked *

More in Aruba

To Top