Connect with us

Sindicato STA bou presion pisa di miembronan disgusta

Aruba

Sindicato STA bou presion pisa di miembronan disgusta


No ta na un instancia, pero na por lo menos dos diferente entidad, miembronan di sindicato STA ta entregando nan retiro masalmente. Esaki tin di haber cu e posicion cu e sindicato a tuma, pa no participa na e accionnan pa exigi gobierno pa stop e recorte salarial di 12,6%. Tanto na NV Elmar como na Post Aruba N.V., miembronan di STA a manda carta aden pa anuncia nan retiro y pa pidi e sindicato pa stop di retene nan contribucion mensual pa ta miembro. E miembronan na NV Elmar a yama Diego de Cuba ayera via speakerphone pa purba compronde di dje, dicon e ta insisti pa para banda di gobierno den e asunto aki y lagando tur otro sindicato y nan miembronan na caya.

De Cuba a menciona di a yega na un acuerdo cu Minister Glenbert Croes pa bin cu un comision pa mira con pa atende cu e asunto di recorte den salario. Pero ora cu e miembronan a bis’e cu e ta trankil pasobra na Aruba Airport Authority (unda Diego de Cuba mes ta traha), no tin recorte mensual mas, cu e si ta cobra su salario y beneficionan completo, el a rabia y a grita den bos duro cu t’e ta presidente di e sindicato y e ta dicidi posicion di e sindicato. Na Elmar miembronan di STA a cuminsa aplica bek pa bira miembro di e sindicato UEA.

Pero ta mustra cu e reto aki no ta solamente na NV Elmar pasobra na Post Aruba NV ta mesun reto tin. Ey tambe miembronan a keda para pafo nan so den protesta pasobra STA ni Diego de Cuba nunca a yega pa sostene e lucha di e trahadonan. Eynan mes, durante e manifestacion, nan a expresa di lo “bay cas bek” y regresa sindicato SEPPA cu si a para duro cu nan miembronan.
Mayoria di e miembronan ta sinti cu sindicato STA ta politicamente liga na e gobierno na mando y como tal ta sali na nan interes y no necesariamente na esun di e miembronan, e clase trahado.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top