Connect with us

Sindicato SADA ta firma convenio cu dos sindicato di Corsou

Aruba

Sindicato SADA ta firma convenio cu dos sindicato di Corsou


Pa varios aña, SADA tabatin un comunicacion estrecho cu e sindicatonan na Corsou, unda cu semper ora cu tabatin mester di sosten y conseho, por a conta cu nan y vice versa.

Segun presidente di SADA, Edward Maduro, cada biaha cu celebra Dia di Aduana Internacional unda cu ta fortifica y amplia mas e laso cu e sindicatonan den e celebracionnan aki, a dicidi cu hunto fortifica y indica esaki den un convenio, formalisando e funcionamento, e hermandad y tambe e intercambio di e trabao di sindicato entre Aruba y Corsou.

Constantemente ta den cierto problematica, mayoria biaha cu en particular e doño di trabao, pero los di esaki ta purba di traha na un manera eficiente y profesional pa e miembronan, kende ta na final di dia ta sali beneficia riba e trabaonan sindical cu ta ehecuta.

Cada biaha cu tin cos cu ta presenta nobo, ta acerca coleganan di sindicatonan tanto na Aruba, como na Corsou. Y mirando cu na Aruba ya caba tin laso estrecho pa loke ta trata sindicalismo, na un manera mas formal, a hancra esaki den un convenio.

Tabatin un reunion basta largo cu e sindicatonan di Corsou, unda cu a intercambia idea pa loke ta e trabao cu a bin ta eherciendo.

Juan Lourens, presidente di sindicato STrAF, nan ta representa e trahadonan di Aduana, hunto cu sindicato ABVO.

Lourens a comenta cu durante e reunion cu SADA, a toca tema di sindicalismo, cu ta un parti hopi importante di un pais. Ta representa e trahadonan, no ta amigo di doño di trabao, pero no mester ta enemigo tampoco.

Madurez politico di un banda, madurez sindical di un otro banda, mester haya otro na bienestar di e trahado pasobra na final tur ta trahado riba e pais.

Raymond Margaritha, secretario di empleado publico di ABVO na Corsou a comenta cu den pasado nan a cuminsa haci trabao hunto cu SADA y dialuna tabata un dia grandi unda cu a fortifica trahamento hunto. Un cos importante ta cu na Corsou nan a pasa den un reorganisacion den e departamento di Aduana. Hopi biaha ora reorganisa e no ta keda cla completo.

Semper lo tin fayo y e sindicatonan lo t’ey, si un dia e doño di trabao na Aruba lo kier reorganisa Aduana, esunnan di Corsou t’ey pa yuda.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top