Connect with us

Sindicato di Polis: No ta den accion pero ta sostene nan si

Aruba

Sindicato di Polis: No ta den accion pero ta sostene nan si


Desde oranan trempan di mainta tabatin varios protesta pa motibo di e recorte di 12.6% di salario di tur empleado publico y di companianan estatal. Pa cu esaki Sindicato di Polis Aruba (S.P.A) a tene un reunion cu su miembronan.

Rodney Solognier, presidente di S.P.A, a conta cu e sindicato a reuni awe tocante e problematica di 12.6%. Nan no tabata den accion, pero nan ta sostene e accionnan di e otro departamentonan si. Mirando e circunstacianan, ta evaluando pa evalua kico lo por ta nan siguiente paso.

Segun Solognier, e miembronan ta sostene e directiva di sindicato den nan plannan. Polis ta rabia y cansa di entrega, mas ainda awo cu no tin FASE ni tampoco loonsubsidie.

Sindicato di Polis a reuni awe

Posted by 24ora on Wednesday, December 8, 2021

Mientrastanto, Aruba por ta trankil cu polis lo tene tur cos bou control. Polis ta garantisa cu pueblo por sosega mientras cu nan lo sigui labora. Riba e pregunta di cuanto pasenshi polis tin, Solognier a comenta cu “Nos tin basta” pasobra nan ta compronde cu si Cuerpo Policial mester hunga nan ultimo carta, e lo bira un carta hopi pisa y nan no kier yega eynan. Nan ta spera cu gobierno por cumpli p’asina tur persona por pasa un fin di aña bunita.

No sa ainda cuanto biaha mas lo reuni, pues ta e miembronan di e sindicato lo mester dicidi esaki.





Source link

Click to comment

Leave a Reply

Your email address will not be published. Required fields are marked *

More in Aruba

To Top