Connect with us

Simon Waslander: Proximo caida completo di euro ta dentro di dies aña

Aruba

Simon Waslander: Proximo caida completo di euro ta dentro di dies aña


Euro ta mucho mas cu un simpel unidad di cambio, pero na e momento di su introduccion den den e planificacion política na 1992 caba den e Conferencia de Maastricht. Tabata e intencion pa consolida e union di un pais, cual ta hopi diferente culturalmente den continente europeo.

Lamentablemente, e aventura financiero aki, tawata condena pa fracasa desde su mismo concepcion.

Den e articulo, nos lo aplica un prediccion riba largo plazo cu den mi opinion, ta inevitable den un periodo di tiempo di  mas of menos un decada.

Diferencia cultural:

E mas obvio di barriera pa e formacion di un Super Federacion Europeo ta e diferencianan culturale gigantesco entre e pais cu ta miembro. Specialmente e division entre e estadonan Nordico cu ta consisti di Alemania y Hulanda y e paisnan den sur cu ta Portugal, Irlanda, Italia, Grecia y Spaña.

Base di e tarea imposibel pa unifica e paisnan Nordico y PIIGS tin su causa den area di religion. E paisnan Nordico tawata hopi influencia dor di Protestantismo Calvinistico, cu ta pone un enfasis profundo riba “trabao duro”, y un bida di moderacion severo y pa spaar mas hopi cu ta posibel. Den contraste cu esaki, e paisnan PIIGS ta pone menos atencion riba e aspectonan aki.

Riba largo plaso, e aspectonan cultural aki ta crea un division social que ta traduci su mes den divergencianan grandi den política gubernamental. Loke, dado momento cu suficiente tempo,  ta crea diferencianan completamente insuperabel den e condicion fiscal di e paisnan Nordico compara cu esunnan PIIGS.

1n6259bcf80a4195.50967696

Catibo di Debe:

Algo cu nunca mester pasa na prome luga, ta con nos a yega asina leu den e acumulacion di debe nacional total entre e miembronan zona Europeo. E Tratado de Maastricht di 1992 ta bisa claramente cu e nivel maximo di debe nacional no mag di surpasa 60 % di GDP y un deficit presupuestario di no mas cu 3 % di GDP pa aña.

E resultado final durante di maneho malo riba ambos ta e nivel politico na Brussel cu esun local ta cu mayoria di e paisnan di Eurozone tin nivel di debe mas halto di loke tabata permiti. 

E binidiero caida di e Euro ta situa den e nivel nan di debe insostinibel aki 

Banco Central Europeo: Ora ayudo di emergencia ta bira e unico ayudo

Hopi experto a haci prediccion di un collapse di e moneda Europeo. Solamente pa prediccionnan asina nunca a sosede. Sinembargo, esaki no ta nifica cu esaki lo ta inevitabel of cu e bistanan aki no ta valido.

Nos no mester lubida cu e mesun scenario di collapse di e Euro tawata noticia central den 2011.

E aña ey, Banco Central Europeo (ECB) a interveni cu programanan masivo di compra di debe nacional

E problema awo ta cu e ECB no por stop di cumpra debe nacional sin cu e interes di e nacionnan di sur subi barbaramente. Asina nos ta wak cu e apoyo di emergencia di ECB den aña 2011 cu lo mester tabata semper di ta temporal, a bira mesun esencial pa e paisnan di sur mane oxigeno pa un patient di COVID den ICU.

Cu yegada di inflacion structural mas halto y un Banco Central (ECB) cu simplemente no por stop di cumpra debe naccional, un periodo largo di inflacion dentro di e blok Europeo awor ta casi sigur.

Inflacion ta conduci na instabilidad politico:

Algo cu hopi hende ta lubida ta cu inflacion halto ta profundamente destructivo pa sociedad en general. Door di castiga esunnan cu ta spaar y esunnan cu ta miembro di fondo di pension y diferencia entre rico y pober cu cada biaha ta bira mas y mas grandi, ta crea un fundeshi perfecto pa inestabilidad economico y politico.

Eventualmente, esaki lo yega na un punto cu den e paisnan Nordico, e partidonan anti-Europeo lo drenta parlamento Europeo na Brussel. Esaki lo kibra e solidaridad cu ya caba ta hopi fragil entre e paisnan rico y esunnan pober.

Conclusion lo ta cu e paisnan rico di Europeo norte, lo opta pa sali di e Euro mane nos conoce awo.





Source link

More in Aruba

To Top