Connect with us

Shoco Legends Aruba ta organisa Kings Ride pa recauda fondo

IMG 6402 scaled

Caribe

Shoco Legends Aruba ta organisa Kings Ride pa recauda fondo


Shoco Legends ta un club di coredonan di brommer na Aruba cu ta consisti di 35 miembro, organisando diferente actividadnan. E aña aki Shoco Legends lo organisa un “Kings ride”.

A combersa cu presidente di e club Nielson Halley riba e actividad organisa pa Dia di Rey. Halley a splica cu e idea di  Kings day ride lo ta basa pa haci un “sunrise ride”.  E ruta lo ta: cuminsando 6.00 am na e punto di salida na El Faro Blanco na Westpunt  direccion pa San Nicolas, e prome stop lo ta Palo Marga na unda cu lo por disfruta di un desayuno y alabes weganan conoci cu e club ta organisa, despues ta sigui direccion pa Oranjestad. Lo tin alrededor di dos pa tres  stop adicional prome cu yega na e punto final na Bushiri Karting Club.�

E idea di e “rides” ta debi cu riba dianan di fiesta tin hopi actividad, y toch ofreciendo e participantenan e oportunidad di disfruta di e actividad durante oranan trempan, sin mucho “puramento”.�

IMG 6402

E organisado ta notando cu e gruponan di “bikers” na Aruba ta birando mas grandi y tur ta sostene otro. “Tur club tin nan actividadnan”, cual e presidente ta haya esaki un desaroyo hopi positivo.

E meta di e actividad di “Kings ride” organisa pa e club di Shoco Legends ta pa recauda fondo entre 1000 cu 1500 florin, pa por haci un donacion na  Fundacion “Ban uni man pa cria nos muchanan”. Halley a enfatisa cu tanto su persona y miembronan di e club ta haya cu atencion ta hopi importante na muchanan y specialmente den situacion actual pa por brinda ayudo. E ta un situacion hopi alarmante, hopi hende no ta papia di e casonan di muchanan den necesidad, pero e ta un realidad pasando na Aruba. E club lo kier brinda su apoyo na e fundacion pa nan por sigui cu nan mision di yuda muchanan den necesidad cu alimentacion.�

Na final Halley a extende un invitacion na tur e “bikers of non-bikers” pa e anochi di inscripcion pa e“Kings ride” cu lo tuma luga diaranson 24 di april 2024 pa 7.30 pm na Bushiri Karting Club. Costo di inscripcion ta 50 florin, durante e dia di evento lo ricibi desayuno, tas, t-shirt, pin, y bebida refrescante.�





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top