Connect with us

Shete ambtenaar a gana premio miyonario di Lotto

Aruba

Shete ambtenaar a gana premio miyonario di Lotto


Diabierna ultimo a drenta informe cu Aruba a conoce un miyonario nobo. Ya tabata pa algun siman caba cu a keda subi e suma di e premio debi cu e tabata keda aden. Pa ora cu a kere cu e lo bolbe keda aden, diabierna a notifica cu un persona cu a cumpra su ticket na Cadena Alexander na Dakota a gana e premio.

Aruba henter a kere cu ta un solo persona a bay cu e premio di Mini Mega Plus di 1.8 miyon florin. Sinembargo, dialuna a habri nos cu sorpresa y asina Aruba a cera conoci cu un grupo di shete persona cu a acudi na oficina di Lotto pa parti e premio.

Ta un grupo di shete colega cu ta traha na Centraal Bureau voor de Statistiek a pone placa hunto y combina nan fecha di nacemento pa asina cera e numbernan ganado. Aparentemente ta algo cu nan ta haciendo pa algun aña caba y awe nan a acudi hunto na oficina di Lotto pa asina cobra e un miyon y 800 mil florin.

Richard Werleman a cobra e premio na su nomber ya cu ta un solo persona por haci esaki. Asina e coleganan lo bay parti e premio entre nan. Segun calculacion, cada un lo haya 257 mil florin.

Masha pabien na e shete feliz coleganan cu lo reparti e premio di 1.8 miyon florin entre nan!





Source link

Click to comment

Leave a Reply

Your email address will not be published. Required fields are marked *

More in Aruba

To Top