Connect with us

Shamiro ta lansa “Sigui padilanti”

Internashonal

Shamiro ta lansa “Sigui padilanti”


file

Después di su hitnan manera “Transfer Tur Montaña”, “Nunka Entrega” i ‘’Un Brasa So Mi Ke” awor Shamiro Anita, e kantante di Gospel di Kòrsou, ta bolbe lansa su tremendo kantika i videoclip nobo-nobo titulá ”Sigui Pa Dilanti”. E mensahe speshal di Shamiro den e kantika aki ta: maske bo trompeka i kai, maske tur speransa mester bai, maske hende lanta kontra bo, i maske ku e dolo no tin fin, no stòp di perseverá, no wak patras i SIGUI PA DILANTI. Paso ku Dios e bataya ta gana i tin un futuro briante ta warda bo.

Ta trata aki di un kantika ku Shamiro ta lansa, despues ku e la bin ta ekspandé su musika na Spaño riba nivel internashonal, ku kantikanan manera “No Soy Igual Que Ayer”, “Volare” i “Guiame”. Tur su kantikanan na spaño a logra yega te den e tòp di musika na entro otro Medellin Colombia, i ta hitnan grandi riba Youtube.

Den e tempunan disifil ku nos aki na Kòrsou i mundu kompletu a pasa i ta pasando aden, Shamiro su musika ta sigui yuda hopi hende tantu lokal komo internashonal. E tremendo videoclip di e kantika nobo aki ta motiva i pusha pa lanta para, no entrega, no wak patras i kontinua, paso awor ta e momentu pa “Sigui pa Dilanti”.

Shamiro ta gradisi Dios na promé lugá i tur hende ku ta sostené, wak, skucha, i/of kompartí su musika. Su orashon ta pa mas i mas hende rònt mundu keda bendishoná pa medio di e mensahenan positivo di Dios den su musika. P’esei su petishon ta pa tur hende sigui kompartí su kantikanan i videoclipnan ku otro pa asina mas i mas hende rònt mundu por Sigui pa Dilanti”, paso ku Dios e bataya ta gana.



Source link

More in Internashonal

To Top