Connect with us

Shailiny Tromp-Lee: Porfin e spiritonan lo haya nomber y fam!

Aruba

Shailiny Tromp-Lee: Porfin e spiritonan lo haya nomber y fam!


Diaranson dia 10 di november 2021 a tuma lugar un reunion publico caminda a entrecambiadi pensamento cu Minister Ursell Arends riba Serlimar. Segun Parlamentario Tromp-Lee el a kere y spera cu nan lo a haya informacion encuanto e caha di pandora cu ex-Minister Lopez-Tromp a habri durante di e reunion publico cu su partido POR a yama pa retira confiansa den su persona na october 2020. Tromp-Lee ta indica cu na mas di un ocasion e la enfatisa e hecho cu desde januari 2020, Lopez-Tromp a bira e minister encarga cu Serlimar y den transcurso di e lunanan cu e tabata minister a keda cu e caha di pandora bon scondi bou di su cocodek te ora cu su partido POR a dicidi di core cu ne. E ora si el a dicidi pa presenta esaki y informa parlamento y pueblo cu el a bin haya hopi fraude y asunto di corupcion. Tambe el a indica cu hopi procedura internamente no tabata corecto y of conforme reglanan di comptabilidad, cu placa a keda mal gasta y cu nombracionnan no a tuma luga conforme procedura corecto.

Acusacionnan hopi grave pero cu riba e dia di e reunion en cuestion, e no por a presenta ningun documentacion of investigacion al respecto. Lastimamente cu e spiritonan aki a keda ta wandro rond sin por haya nomber y fam, mas pio ainda sin cu esunnan responsabel por keda poni responsabel. Loke si a haya bida ta e percepcion cu parlamento lo tabata na altura y no ta condena esakinan. Cual sigur no ta ecaso, Tromp-Lee ta indica. Parlamentario Tromp-Lee ta splica cu durante e reunion aña pasa el a pidi e ex-minister pa e splica den placa chikito encuanto ki fraude y asuntonan di corupcion specificamente el a bin encontra, mencionanan concretamente y tambe e sumanan envolvi. Tambe Tromp-Lee ta indica cu el a pidie pa menciona kende a keda nombra incorectamente, den ki function y pa ki salario. Tambe kico a sosode cu e personanan aki. Lastimamente, segun Tromp-Lee te dia di awe e no a haya contesta riba e preguntanan y a keda semper en espera di e investigacion(nan) andando pa keda finalisa.

Pesey mes Tromp-Lee a pidi minister Ursell Arends durante e reunion di diaranson ultimo pa informa parlamento cuanto investigacion a keda finalisa di december 2020 te cu awe, cuanto ta andando, kende a keda retira of persegui y si tin hende a keda responsabilisa. Pasobra, segun Tromp-Lee, no obstante e hecho cu ta hopi remarcabel e momento cu ex-minister Lopez-Tromp a sali indica tur e fechorianan (esta te ora nan kier a core cu ne) e ta hayanan hopi grave y ta haya cu no por sigui tratanan manera spirito! Tromp-Lee ta subraya cu nos mester cuminsa dunanan cara, cu nomber y fam. Si enberdad e spiritonan ta existi a bira ora pa nan keda responsabilisa pa a abusa di fondonan di pueblo y pa a malusa nan poder. Durante e reunion publico Minister Ursell Arends a informa cu ainda e investigacion forensico cu ta wordo realisa pa Forensic Caribbean no ta finalisa y e no por duna ningun informacion al respecto. Alabes el a indica cu intencion ta cu pa final di e aña aki dicho investigacion lo mester keda cla. Tromp-Lee ta finalisa bisando cu e ta contento cu porfin na comienso di 2022 e spiritonan di Marisol lo haya nomber y fam y e proceso di responsabilisacion porfin por start.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top