Connect with us

Seminario di Grant Thornton ‘Are you ready for 2022?’

Aruba

Seminario di Grant Thornton ‘Are you ready for 2022?’


Entrante prome di januari 2023, Aruba lo introduci un sistema di belasting nobo, pa cual Grant Thornton Aruba lo organisa un seminario pa elabora y duna mas informacion tocante e sistema di belasting nobo aki. 

Drs. ing. Edsel Lopez RA, Partner na Grant Thornton Aruba, a indica cu despues di hopi tempo, Grant Thornton lo organisa un otro seminario, diaranson 8 di december proximo, cual lo tuma luga na Hyatt Place. Lo comparti diferente topico nan, e cambio nan den e reforma fiscal, pa BBO, cual lo drenta na vigor entrante prome di januari 2023. Tambe lo trata e topico di compliance y tambe riba diferente otro topico nan, di cual ‘cyber security’ lo ta uno hopi interesante. 

Na september ultimo, parlamento di Aruba a trata y aproba e cambio nan di e ley di prevencion di labamento di placa y financiamento di terorismo. Licienne Boekhoudt, Consultant na Grant Thornton, a indica cu esaki nan ta cambio nan cu ta trece cu ne den e proceso interno. Lo repasa e diferente parti nan di ALMFT y con pa cumpli cu e ley aki. 

Nigel Peterson, Consultant na Grant Thornton Aruba, durante e seminario e lo trata e tema di cyber security, unda cu e lo elabora ariba e violacion nan cu ta tuma luga den mundo di ‘cyber security’. E lo trata fayo nan den ‘cyber security’, unda lo trata tambe e motibo nan pa cual programa nan di siguridad ta faya. Durante e seminario, Peterson lo duna un demostracion tambe di con Grant Thornton lo por yuda un compania pa ta proteha contra cualkier atake cibernetico. 

JR Morales, IT Manager na Grant Thornton a indica cu den e seminario e lo elabora ariba e parti di ciber siguridad y e reto nan cu e compania nan ta confronta awendia pa cu esaki. Tambe con Grant Thornton por yuda den esaki, door di duna algun triki y algun tips. 

Lance Henriquez, Tax Manager na Grant Thornton, a indica cu un di e topico nan mas interesante di e ultimo dia nan aki ta e hecho cu parlamento di Aruba a aproba introduccion di BTW na Aruba, entrante prome di januari 2023. Lo para keto un rato na esaki y lo splica e caracteristica nan di e BTW, lo compar’e cu e BBO actual. Cual lo ta su efecto nan den practica y cual ta su influencia den BBO. 

Durante e seminario di Are you Ready for 2022, Grant Thornton lo elabora ariba e capital humano. E pandemia a trece hopi desafio pa e organisacion- y negoshi nan, vooral riba e tema di empleado. Shelby Maduro, Senior Manager di Grant Thornton Aruba a splica cu e.o., e negoshi nan mester enfoca ariba e diferente herment nan cu nan tin, pa asina yuda nan. Tur esaki, prome cu pandemia, pero sigur awo cu ta den parti di recuperacion, ta mas importante ainda. Un di e proceso nan cu lo trata den e proceso di contratacion, ya cu e dinamica laboral a cambia.

1n61a8c357c51087.91661991

No solamente na Aruba, pero eigenlijk rond mundo. Tin hopi hende, cu a perde nan trabou door di pandemia, aworaki ta buscando trabou. Hopi organisacion ta buscando hende pero e pregunta cardinal ta con pa contrata e persona corecto. Adicionalmente lo mester enfoca tambe cu ta den un organisacion caba y con ta bay duna nan e oportunidad y posibilidad di sigui crece pa desaroya nan mes riba nan propio capacidad necesario pa futuro. Tambe lo haci un presentacion di con pa haci esaki.

Seminario di Grant Thornton ‘Are you ready for 2022?’ lo tuma luga dia 8 di december, na Hyatt Place.





Source link

Click to comment

Leave a Reply

Your email address will not be published.

More in Aruba

To Top