Connect with us

Segun encuesta, mayoria na Aruba ta bebe cerbes, y frecuentemente

Aruba

Segun encuesta, mayoria na Aruba ta bebe cerbes, y frecuentemente


Posted on 11/12/2021 11:27 am AST | Updated on 11/12/2021 11:40 am AST

ORANJESTAD – Casi 80% di esnan cu a participa den e ultimo encuesta di noticiacla, ta bisa di ta gusta bebe cerbes na Aruba. Y e mesun cantidad (79%) ta bebe cerbes 1 pa 3 biaha pa siman, y mayoria encuesta, ta bebe 1 pa 2 cerbes ora cu nan bebe. Y na final, entre e posibilidadnan menciona, e marca di cerbes mas preferi (27%) a resulta di ta e cerbes Amstel Bright, sigui pa e cerbes Chill. Un total di 1015 persona a participa den e encuesta durante 5 dia, unda cu mayoria tabata hende homber (65%). 

GRAFIEK CUANTO BIAHA TA BEBE PA SIMAN/DIA

RESULTADO COMPLETO

A cuminsa na puntra e participantenan si nan bebe cerbes, y aki 79% a bisa cu si, y 21% cu no. Di esnan cu no ta bebe cerbes, e loke mas ta wordo bebi ta awa (45%). Di esnan cu si ta bebe cerbes, un grupo di 79% ta bebe cerbes 1 pa 3 biaha pa siman, y 15% ta bebe cerbes 3 pa 5 biaha pa siman. Un grupo interesante ta esun cu ta bebe cerbes tur dia, cu ta 6.4%. A sigui e pregunta di cuanto cerbes ta bebe ora cu nan bebe. Aki segun e encuesta, 43% ta bebe 2 pa 6 cerbes cada bes cu nan bebe, sigui pa e grupo di 37% cu ta bebe 1 pa 2 cerbes cada bes nan bebe. Interesante ta e grupo cu ta bebe mas di 6 cerbes cada bes cu nan bebe, cu ta 21%. E lugar preferi pa bebe cerbes, segun e encuesta, ta na cas(48%), sigui pa un bar of restaurante (31%) sigui pa un otro lugar cu no ta esnan menciona (16.2%). E grupo mas chikito, entre esnan encuesta, cu ta 6% ta gusta bebe cerbes riba beach. A sigui puntra cuanto un persona ta dispuesto pa paga pa caha di cerbes. Aki a duna 3 opcion, y esun cu mas nan ta prefera paga pa un caha ta 75 florin pa caha cu ta 47%, sigui pa 50 florin pa caha( 41%), y e suma cu menos nan gusta paga ta 100 florin cu ta e grupo di 12.4%. Esnan cu a participa den e encuesta ta varia di 18 aña te riba 65 aña di edad. Di e grupo aki, esun cu mas ta bebe cerbes, segun e encuesta, ta entre 45-54 aña di edad. 

GRAFIEK CUANTO CERBES TA BEBE CADA BES

MARCA DI CERBES

Mientras cu noticiacla ta conciente cu tin un sin fin di marca di cerbes disponible, a scohe un lista di 7 cerbes, y un posibilidad pa ‘otro’ sin specifica. Aki e cerbes cu mas a sobresali den e encuesta aki, tabata Amstel Bright (27%) sigui pa Chill (20.2%), Balashi (16%), Otro marca (14.3%), Heineken (12.3%), Magic Mango (7%), Budweiser (3%) y Corona (2.3%). 

GRAFIEK MARCA DI CERBES MAS POPULAR

CONCLUSION

Un di e conclusionan cu por saca di e resultado di e encuesta aki,   cerbes ta hopi popular na Aruba, cu e grupo mas grandi di hende cu ta bebe cerbes ta hombernan entre 45 pa 54 aña di edad,y cu cerbes ta wordo bebi basta frecuente (3-5 biaha pa siman) y na cantidad grandi (2-6 cerbes). Atrobe, ta un di e conclusionan cu por saca di e encuesta ak. 

DISCLAIMER

Noticiacla ta conciente cu e encuesta aki mientras un bon indicacion pa combersacion y indicacion, no ta representativo pa henter e isla. E ta un encuesta electronico, usando Facebook como e Plataforma principal aunke esnan cu a participa, no necesariamente ta riba Facebook. Esey ta nifica tambe cu hendenan cu no tin acceso electronico, no por a participa. Ademas, mientras cu noticiacla ta usa su Plataforma pa e encuesta, por tin un grupo cu no ta activo tur ora riba noticiacla.  

 





Source link

Click to comment

Leave a Reply

Your email address will not be published. Required fields are marked *

More in Aruba

To Top