Connect with us

Scol di Musica Rufo Wever cu tremendo concierto

Aruba

Scol di Musica Rufo Wever cu tremendo concierto


Diasabra anochi a tuma luga e concierto musical pa ciere di aña escolar di Scol di Musica Rufo Wever. Dos biaha pa aña e scol ta tene concierto grandi, segun Carlos Bislip, docente di musica, a splica. Pues, esaki tabata e prome pa e aña aki, culminando e aña escolar y na december nan ta tene nan concierto di Pasco.

Bislip a conta cu den e concierto particular aki, e docentenan y e alumnonan ta bin cu sea nan instrumento of un ensemble pa presenta. Ta trata aki di alumno di tur edad, pues di 6 pa 7 aña te cu 60 aña bay ariba. Nan ta bini hunto pa comparti e amor pa musica y demostra nan talento pa e publico presente. 

Bislip a sigui conta cu na Scol di Musica Rufo Wever nan ta duna les di percussion, baho, piano, guitara, trompet, violin y canto como tambe algemene muzikale vorming. Presentemente e scol ta conta cu mas o menos 500 alumno den total. Bislip ta sumamemente contento cu e acogida di e concierto y e oportunidad pa presenta locual e scol ta practica na e pueblo di Aruba.

Tambe el a expresa cu e scol ta bon subsidia door di gobierno y cu nan ta aprecia esaki masha tanto. Mas aleu el a bisa cu e concierto aki ta un dje oportunidadnan cu e scol tin pa demostra locual nan ta haci na e scol, no solamente na e pueblo di Aruba sino tambe n’e mandatarionan, demostrando cu nan tin derecho di existencia y “nos ta contribuyendo na e desaroyo cultural na Aruba.”





Source link

More in Aruba

To Top