Connect with us

S.V. Jong San Nicolas lo celebra nan tradicional fiesta di San Juan

Aruba

S.V. Jong San Nicolas lo celebra nan tradicional fiesta di San Juan


Despues di dos aña largo di pandemia y cu no a permiti celebracion publico, e aña aki si S.V. Jong San Nicolas ta cla pa celebra nan fiesta tradicional di San Juan den e bario di Weg Fontein.

Esaki ta un tradicion di mas di 30 aña, cu e comision organisado di S.V. Jong San Nicolas ta celebra na e forma tradicional. E aña aki un biaha mas a bin ta traha, pa un par di luna caba, pa asina brinda e pueblo di pariba di brug y henter Aruba un bunita celebracion di San Juan y Dera Gai. 

Lo bay tin premio pa e mihor trahe den publico tanto pa mucha como tambe pa e adultonan. Premio pa rancado di bandera, matado di e gay, miho bailado di San Juan y tambe pa mihor trahe di San Juan en general. Actividad ta programa pa cuminsa pa 5:00 pm, riba e tereno dilanti di e clubhuis di S.V. Jong San Nicolas, cu ta e veld di futbol net prome cu yega e pista di Palo Marga. 

Trece e muchanan tempran y registra nan pa asina nan por participa y gana premio bunita pa nan trahe como tambe pa e bailamento di San Juan. Animacion musical lo ta den man di tipico Tradicion Musical, kende pa e ultimo añanan tambe a sa di coopera pa sina mantene bibo e fiesta cultural aki. Pues San Juan ta bin San Juan ta bay pero nos ta warda e pueblo di Aruba en general y principalmente esunnan di pariba di brug, pa bin celebra cultura cu nos na S.V. Jong San Nicolas.





Source link

More in Aruba

To Top