Connect with us

Ryan Maduro: Reunion cu cuerpo di docente a cana bon y ta keda dialoga

Aruba

Ryan Maduro: Reunion cu cuerpo di docente a cana bon y ta keda dialoga


Diaranson tabatin un reunion di e cuerpo di docente di EPI. Durante e rueda di prensa a puntra riba e echo cu den e cuerpo di docente tin cierto preocupacion p’e proceso di cambio, di afdeling nobo.

Segun Ryan Maduro, director general di Colegio EPI, e reunion a bay bon, ta dialoga manera semper ta haci. E no a bay den detaye riba e contenido dje reunion, pasobra e ta di pensamento esey no ta etico. El a indica cu e ta kere ora ta algo den cas, ta papia esaki den cuater muraya. Den tur proceso di cambio semper tin e preocupacion, angustia, pero nan ta dialoga. Ta den dialogo continuo y e proceso ta canando.

Riba e parti di preocupacion cu klas ta kedando completo, di cual el a reacciona bisando cu te unda e sa nan normering no a cambia compara cu aña pasa. No tin nada cu a cambia y encaso cu e studiantenan tin algo cu ta preocupa nan, e studiantenan por localisa nan na diferente forma. Tin un procedura di keho unda e studiantenan por pasa entrega un keho y asina nan por haci un investigacion. Maduro a reitera cu nan por tuma contacto cu directiva pasobra e oficina ta disponibel. Tin un procedura con ta cana, pero e por a duna garantia di no tin ningun cambio den e normeringnan.

Claudia Withfield, director di enseñansa pa Colegio EPI, a bisa cu e overgangsregeling ta keda mescos manera e tabata anterior. Incluso el a confirma cu esey ta prome y despues di Covid. 

Pa un relato mas amplio, lesa edicion di TREMPAN.





Source link

More in Aruba

To Top