Connect with us

Rob Vermeer celebrando 50 aña den fotografia

Aruba

Rob Vermeer celebrando 50 aña den fotografia


Rob Vermeer ta celebrando 50 aña documentando fotograficamente Aruba su cultura “Fifty years of perpetual light”. Cincuenta aña di luz perpetuo ta nomber di e proyecto cu ta duna honor na un archivo y coleccion grandi di potret tuma desde aña 70. Como fundador di Checkpoint Color, el a rescata negativonan nan cu e tabatin warda pa un tempo largo den bahul di recuerdo, p’asina por duna un luz nobo na fotografia historico di e ultimo cincuenta aña di nos cultura Arubano.

Por admira den e coleccion aki diferente miembro di nos comunidad, farandula Caribeño y paisaje di nos isla. Den un formato analogo como tambe digital, uzando primordialmente hasselblad, Rob a sa di rescata un cantidad grandi di un balor unico di fotografia cu ta marca e era moderno, pa por visualisa con nos isla su cultura tabata ta den decada setenta.

Por a mira hopi di su potretnan como artefacto historico, uza pa diferente revista di moda conoci manera Vogue, como tambe ATA, p’asina promove nos isla den exterior na comienso di e desaroyo turistico na Aruba. A plantia un proceso di digitalization y curaduria pa Nelson Gonzalez cu tabata e artista/productor encagra di crea un website p’asina publico local como tambe internacional por goza di un variacion di potret historico na colo como tambe blanco cu preto.

Riba e website por presencia un documentario cortico cu ta mustra Rob den accion den studio di checkpoint, como tambe un manuscripto dunando un contexto artistico y antropologico na Rob su trabou. Y sin lubida un tienda virtual pa asina por haya un fotografia unico di un di nos gran fotografonan local. Ekipo di produccion ta haciendo su maximo esfuerso pa por brinda pueblo di Aruba un exhibicion bibo den e aña venidero. Pero pa cu esaki nos mester di bo sosten. 

Bira un coleccionista di imagen unico adkiriendo un potret di su exposicion of haci un donacion riba cuenta di banco Aruba Bank 2218162 Rob Vermeer (descripcion 50 years perpetual light) 

Bishita e website robvermeer.org y inspira p’e coleccion legendario di nos valuarte Rob Vermeer. 

Un danki enorma ta bay na Prins Bernard Cultuur Fonds Caribische Gebied & Mondriaan Fonds cu a haci e prome etapa di e proyecto aki posibel.





Source link

Click to comment

Leave a Reply

Your email address will not be published.

More in Aruba

To Top