Connect with us

Ricardo Croes (RED): No ta compronde con un burdugu por a subi lista politico

Untitled design 13

Caribe

Ricardo Croes (RED): No ta compronde con un burdugu por a subi lista politico


E lider di partido RED Democratico Ricardo Croes no por compronde con un persona burduga manera Alberto Groeneveldt, responsabel pa e morto di e cacho Khaleesi, tabata riba un lista politico. Su preocupacion grandi ta con un persona asina aki por a subi lista politico.

Groeneveldt ta doño di e cacho cu a keda mara na un cadena pa mas cu un luna largo. Di tanto bira rond, e cadena a pega y a bira asina chikito te cu e no por a move mas. Hasta e boluntarionan di Luna Foundation cu a bay pa liber’e tabatin dificultad pa corta e cadena.

674A0084

“E ex-candidato di MAS aki awe lo por tabata un parlamentario di e partido ey. Un burdugu completo cu a abusa di bestia den un forma cu mi ta puntra mi den ki tipo di screening e persona aki a pasa aden pa por subi un lista politico. Awo a core sac’e for di partido. Pero esey no ta kita cu awe e persona ey por tabata un parlamentario.”

Loke e lider di RED Democratico tambe ta condena cu Aruba tin ley, pero no ta ehecuta esakinan, manera e Ley di Cacho. E mes ta sinti cu e ley aki no ta sirbi. Por ehempel, den e ley ta para cu si un persona tin un pitbull, e mester pidi permiso di minister prome. E ley a drenta na vigor, sin cu a permiti esnan cu tin un pitbull pa inscribi esaki, of pidi permiso pa tin un cacho di e rasa aki. Di otro banda, Polis ta pura pa boet un ciudadano cu tribi di duna un cacho di caya cuminda.

E Rubiano ta hende di compasion y no por mira un cacho cu a laga a su cuenta ta cana sin come nada of sin un tiki awa pa e bebe. “Polis ta yega den un forma masha arogante cerca hende grandi (pensionado) pa bisa duna nan boet, aunke cu e cacho no ta di nan y ta solamente yuda e bestia cu poco cuminda y awa.

Croes ta apela na tur hende cu haya un boet pa e motibo aki pa paga esaki. “E ley no ta sirbi. Bo tin derecho y obligacion. Mester percura cu e ley ta miho hinca den otro y ehecuta manera mester ta. Bo obligacion ta pa respeta bida di flora y fauna. Y no por ta cu un persona cu ta postula su mes como politico, cu ta aspira pa carga un responsabilidad di parlamentario of minister, ta haci sorto di cosnan aki.”





Source link

More in Caribe

To Top