Connect with us

Resultado final Campeonato Hubenil 2021

Aruba

Resultado final Campeonato Hubenil 2021


Diadomingo día 12 di December a tuma lugar e campeonato hubenil di dam pa aña 2021.
E campeonato aki a wordo hunga den 2 categoria. Un categoría U14 unda muchanan te cu 13 anja por a participa y un categoria U-20 pa nos hobennan te cu 19 aña.
Den U14 a inscribí 6 hungador, mientras den U20 tawata tin solamente 1 inscripcion.
Tur hungador a hunga den un solo grupo.
Ganador absoluto di e campeonato aki a bira e mucha muher Dayenne Gibbs participando pa categoría U14. Dayenne a score 10 punto (4 gana y 2 empata). Anja pasa Dayenne a bira campion tambe den e categoria aki.
Na di 2 lugar a termina Gian Emerenciana cu 9 punto. Gian a gana 4 partida a tabla y a perde 1.
Tercer lugar absoluto a termina Obi Tromp cu 7 punto. Obi a bira campeon den categoria U20.
Tercer lugar pa categoria U14 a bira Mateo Croes cu 6 punto. Mateo a tabla 2 wega y a gana 2 wega.
Mateo no por tawata presente durante e prijsuitreiking door di otro compromiso.

E 2 ganadornan di U14 y U20 a ricibi un macuto di pasco.
Un tercer macuto a wordo rifa entre e hungadornan cu no a gana un basket.
Esaki a wordo gana door di Mateo Croes. E macuto di pasco lo wordo entrega na Mateo na su cas.

E torneo aki, a wordo subsidia door di SSA y Lotto pa Deporte.





Source link

Click to comment

Leave a Reply

Your email address will not be published. Required fields are marked *

More in Aruba

To Top