Connect with us

Rene Bernabela (TOPA): DRH mester trata e empleadonan publico miho

Aruba

Rene Bernabela (TOPA): DRH mester trata e empleadonan publico miho


Diamars mainta varios sindicato di trahado publico, entre nan SINBA, TOPA, SEPPA y SADA a reuni cu un delegacion di Deloite representando e ministerio di asunto interior y di reino.

E reunion aki en cuestion ta tumando luga den un lapso di varios dia cuminsando di dialuna, 8 di november y lo ta tumando luga durante henter e siman cu e diferente sindicatonan.

Presidente di sindicato TOPA, Rene Bernabela a expresa di ta contento cu a reuni pa loke ta e tema di DRH.

E reunion a bay den bon ambiente, segun Bernabela. E sindicatonan presente a comparti cu e delegacion punto sumamente importante pa loke ta e aparato publico completo, riba nan keho y dolor di tur e añanan cu a bin ta sufriendo.

Esunnan cu a organisa e reunion aki awo a haya un bon bista pa loke ta e parti di maneho di DRH y kico mester drecha den e departamento aki.

Ta di spera cu na momento cu e reunion caba, lo traha un rapport pa loke ta e recomendacion cu Deloite y e representantenan di e ministerio di asuntonan interior y di reino, lo pone den e rapport aki y reparti esaki bek pa gobierno di Aruba y pa mira den ki direccion lo bay cu e Departamento di Recurso Humano.

E manera con e departamento aki a desaroya, tabatin critica, no solamente di parti di sindicato TOPA, pero tambe di varios otro sindicato cu ta representa empleado publico riba diferente tereno.

Dado momento mester pensa cu esaki tin cu yega na un final y mester bin mehoracion pa loke ta e trato cu e empleado publico tin cu haya.

No por ta asina manera cu a indica n’e delegacion, con cos ta n’e momentonan aki. Tin caminda cu desaroyo a bay bon, pero tin caminda cu esaki ta tranca.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top