Rendimento di AFTA den 2024: E ta cumpliendo cu e expectativanan?

Aruba Fair Trade Athority (AFTA) a completa tres cuarta parti di su operacion, pero su eficacia y prioridad merece un analisis. Mi a skirbi riba AFTA caba, incluyendo un analisis detaya di e ley nobo antimonopolio di Aruba aki y e intervenion den cierto practica di algun ‘realtor’ na Aruba aki. E pregunta awo ta: AFTA a cumpli cu su mandato?

Real estate: Logro chikito, pregunta grandi

Un di e principal logronan di AFTA te awo tabata den e sector di real estate. Association of Aruba Realtors a hay’e obliga pa para cierto practicanan cu por viola e leynan di competencia. Sinembargo esaki ta afecta principalmente na un grupo reduci: brokers y un porcentahe chikito di e poblacion cu por permiti cumpra propiedad of esunnan cu ta adkiri un di dos cas. P’e mayoria di e Rubianonan, e accion aki parce di no ta ofrece un beneficio tangibel.

E pregunta mas amplio ta sigui ta: Pakico AFTA ta enfocando den e sector di real estate ora cu e sectornan mas grandi por beneficia di mayor atencion? E sector di real estate ta representa un parti chikito di realidad financiero di e poblacion, mientras cu hopi empresa di propiedad of control estatal ta afecta tur.

E aparente falta di accion di AFTA ta genera preocupacion

Na mei, Comerciantenan Uni Aruba (CUA) a expresa na  preocupacion pa SETAR, e compania estatal di telecomunicacion, acusa di practica monopolico y pidiendo pa AFTA investiga. E reaccion di AFTA tabata inmediato: a emiti un comunicado di prensa primintiendo reuni cu SETAR. Sinembargo, cuater luna despues, no a brinda ningun siguimento, update ni resultado, SETAR a sigui opera sin cambio visibel den su dominio di mercado.

Den su comunicado original, AFTA a enfatisa e necesidad di ta cauteloso debi na recursonan y capacidad limita. AFTA tambe a señala cu “Mededingingsverordening” (Ley Antimonopolio) ta nobo y su enfoke inmediato ta educa e empresanan a traves di e asociacionnan. Pero, e ta mustra riba e cautela y duda na un problema mas profundo?

Esaki ta trece pregunta riba posibel parcialidad: AFTA ta no ta dispuesto pa desafia e empresanan di propiedad estatal manera SETAR? A pesar di su confirmacionnan di independencia, e liderazgo di AFTA tin vinculo estrecho cu e Minister di Asuntonan Economico, cu ta supervisa SETAR. Si e pone ley di competencia cumpli denu  empresa estatal dominante e por beneficia e isla, pakico AFTA no ta actuando di  manera mas decidido? Specialmente ora cu e proveedornan estatal di telecomunicacion rond mundo a haya nan obliga na adapta debi na nan posicion dominante.

Salud: otro sector preocupante

Otro sector cu ta afecta tur e Rubianonan ta esun di salud, pero AFTA a mustra un resistencia similar na interveni. Aunke e sistema di salud ta plaga di preocupacion riba e tendencianan monopolico y competencia inhusto, e intervencion di AFTA tabata minimo. Tempo lo papia si nan lo tuma e medidanan significativo, pero su cautela ta preocupante.

Si AFTA sigui duda den e sectornan cu ta impacta e poblacion en general, e ta core riesgo di converti den un organismo cu solamente e ta maneha asunto niche mientras cu e ta evita area caminda e competencia ta crucial p’e bienestar di tur.

AFTA ta presenta su mes como un organisacion chikito cu recurso  limita y su retonan ta bay mas leu cu simpel restriccion presupuestario. Personal ta un problema importante. E profesional di mas experencia di su ekipo a hubila y e personal legal restante, aunke nan tin titulo den derecho, falta di e experiencia significativo den sector priva. E ausencia di e historial comproba den ambiente competitivo y di riesgo halto ta preocupante, ya cu dicho experiencia ta crucial pa aplica eficazmente e leynan di competencia. Manera cu por a mira den gobierno, e huristanan sin experiencia den sector priva hopi biaha no ta atrae e atencion di e companianan scouting en busca di talento legal di nivel halto. E falta di experiencia dentro di AFTA ta crea duda serio riba su capacidad pa maneha investigacion mas substancial, particularmente esunnan cu ta envolve entidad grandi controla pa gobierno.

Si e mensahe di AFTA na publico ta cu ainda nan ta siñando debi na nan reto di personal, ta facil pa mira pakico nan accionnan por keda cortico. Cu experiencia y experticio limita, ta resulta dificil atende e casonan mas complica cu por beneficia e comunidad en general.

Estudio di prijs di alimento di AFTA: impreciso

Na principio di e luna aki, AFTA a publica e resultadonan di un estudio riba prijs di alimento comparando Aruba cu Hulanda, Corsou y Merca. E resultadonan tabata predecibel: alimento ta mas caro na Aruba. AFTA a dedica tempo y recurso pa bisa loke ya nos sa caba. A pesar di esaki, hasta e informe ta mustra algun inconsistencia. Algun minorista a señala cu e informe no ta tuma na cuenta ciero prijs di alimento cu ta mas of menos similar compara cu Merca y Hulanda y a atribui n’e prijsnan halto na factor manera e dependencia di e importacionnan, e costonan di transporte y e competencia limita den e cadena logistico. Tambe a destaca e acuerdonan exclusivo di distribucion entre importado y mayorista como posibel impulsornan di prijs.

Fuera di algun di e conclusionnan di AFTA ta echo of mayormente corecto, e lenguahe di e informe ta onduidelijk. Na luga di ofrece solucion cla, e estudio tabata yena di “kisas” y “posibel.” Por ehempel AFTA a reconoce e existencia di importacion paralelo, producto no regular cu ta drenta den e mercado, pero no a atende e riesgonan pa salud publico cu ta presenta e condicionnan di envio no monitorea di e productonan alimenticio. E importacionnan paralelo tambe ta impedi cu e mayoristanan por controla of manipula e prijsnan.

Fuera di esey, e estudio a duna gobierno un ‘free pass” ora a minimalisa e impacto di e impuesto di importacion y e “douane waarde”, cu ta hisa significativamente e prijs di alimento. Door di enfoca den e practicanan di e sector priva mientras cu ta bypass e papel di e manehonan gubernamental, AFTA un biaha mas a lanta preocupacion riba su parcialidad p’e preocupacion riba su parcialidad p’e proteccion di e interesnan di gobierno. 

Conclusion: E prioridadnan di AFTA parce ta mal enfoca

Si e limitacionnan di e recursonan di AFTA ta un preocupacion legitimo, e no mester sirbi como un excuus pa inaccion, particularmente den e sectornan cu ta afecta henter e poblacion. E falta di autoridad pa atende e problemanan importante cu ta envolve e empresarionan di propiedad estatal, combina cu su informenan onduidelijk, e falta di accion tangibel y un enfoke den e esfuersonan di relacion publico, ta indica cu e prioridadnan di AFTA por ta mal enfoca.

Si AFTA pretende fomenta e competencia husto na Aruba, e mester bay mas leu di e victorianan chikito riba mercado niche y atende e casonan mas importante y di mayor impacto cu ta afecta tur. Pa no haci esajki, ta core e riesgo di disminui e confiansa di e publico y converti AFTA den un organisacion sin djente, mas preocupa p’e apariencia cu p’e resultadonan.

Mi ta sostene AFTA y su mision, pero esaki no ta impedi ta critico y informa abo, e comunidad. Danki pa lesa mi columna di e siman aki! No lubida di bishita www.lincongomez  pa masinformacion y update riba e panorama economico y legal di Aruba. Nos topa otro siman!