Connect with us

Registracion di Festival di Dande Infantil, Hubenil y Adulto ta habri te diabierna

Aruba

Registracion di Festival di Dande Infantil, Hubenil y Adulto ta habri te diabierna


Inscripcion di Festival di Dande ta habri y comunidad di Aruba tin te dia 17 di december 11:59pm pa inscribi. Despues di un aña virtual, festival di dande ta bay bek na casi su normalidad. E aña aki tur hende por presencia e festival na Centro di Bario Tanki Leendert unda cu lo tin bar, cushina. Tambe lo tene cuenta cu e reglanan di Crisis Team, di cual lo tin distancia social, stoel y mesa.

Aaron Arenas, organisado di Festival di Dande Infantil, Hubenil y Adulto, a indica cu e festival ta uno completamente gratis. E lo tuma luga dia 27 y 28 di december, cual ta riba dialuna y diamars. Normalmente e festival ta tuma luga riba diasabra y diadomingo, pero door cu Pasco y di dos dia di Pasco ta den fin di siman, nan ta respeta e dianan aki.

E Festival di Dande Infantil-Hubenil tin 4 categoria y ta como lo siguiente:

• Categoria 4-6 aña

• Categoria 7-9 aña

• Categoria 10-12 aña

• Categoria 13-17 aña

Den cada categoria lo saca sea rey of reina di dande y dependiendo di participacion, di dos luga y di tres luga den dande.

E biaha aki ta bin bek cu e categoria tambe di Propio Composicion di Fin di Aña y na unda por participa bek cu e diferente ritmonan tipico manera Wals, Tumba, Danza, Mazurka, Polka, Calypso, Mambo Arubiano, Bolero, Tambu.

Arenas ta pidi pa no laga cantica di dande fo’i e categoria aki. Ta conseha tur mayor, coach, lider di banda, compositor y areglista pa mantene e composicionnan no mas cu 4 minuut. E premiacion den e categoria aki, lo saca un ganado y dependiendo di participacion lo saca di dos luga y di tres luga.

Festival di Dande Adulto e aña aki tambe ta reintroduci e categoria di Propio Composicion di Fin di Aña y mescos cu e ritmonan tipico cu por participa cu ne den Festival di Dande Infantil-Hubenil. Alabes den Festival di Dande Adulto tin e categoria di Tipico pa agrupacion musical/banda, cada agrupacion musical por participa cu un tipico y e premiacion ta saca prome, di dos y di tres luga.

Festival di Dande Adulto ta tuma luga dialuna 27 di december na Centro Di Bario Tanki Lender, 7:00 PM y Festival di Dande Infantil-Hubenil ta tuma luga diamars 28 di december na Centro di Bario Tanki Leendert pa 7:00 PM.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top