Connect with us

RAIZ: Mester yuda Serlimar funciona independientemente

Aruba

RAIZ: Mester yuda Serlimar funciona independientemente


Diaranson mainta parlamento a tene un reunion publico den cual a bay trata e topico general di e compania di Servicio di Limpiesa Arubano, Serlimar. Den esaki a dialoga riba varios aspecto den esaki. Raymond Kamperveen, vice-presidente di parlamento y miembro di fraccion Raiz, a splica cu e topico aki ta un preocupacion grandi ya cu e pregunta di mas grandi ta si Serlimar ta sigui of ta descontinua esaki.

Segun el a sigui splica, prome minister mester adresa e situacion prome cu februari 2022 pa sa riba e surseance van betaling.

Un punto cu sigur ta crucial ta cu mester wak tur dos banda, den esun banda mester tene na cuenta cu tin hopi mama y tata di famia ta traha na e instancia aki y kico lo bay pasa cu nan si esaki dal cera. Di e otro banda, mester busca un manera pa yuda Serlimar pa e por sigui opera riba su mes, mescos tur otro compania estatal na Aruba. Kamperveen a bisa cu nan kier sa si enberdad a investiga y haci estudio pa wak ki informacion tin di con Serlimar ta para.

Kamperveen mes a haci algun pregunta manera cuanto cas na Aruba ta cay bou di servicio di Serlimar y kico por haci pa mehora nan servicionan? Tambe mester cuminsa pensa riba otro servicio cu nan lo por brinda pa e por representa un competencia sano den e economia di Aruba.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top