Rainbow Warriors: Problema di awa sushi ta danki na Evelyn Wever-Croes y Ursell Arends

Relaciona cu e ultimo desaroyo relaciona cu RWZI, Rainbow Warriors a emiti un comunicado di prensa caminda ta reacciona riba e situacion alarmante aki.

Segun Rainbow Warriors, e articulo cu 24ora.com a publica a yega na varios medio di comunicacion poderoso na Merca, tanto den noticia como di e sector di ‘travel and tourism.’

Por bay spera un tsunami di ‘bad press’ na Merca awor, mescos cu den e caso Natalee Holloway. Mescos cu den e caso Holloway, e prensa lo no tin consideracion pa nada cu nos pais.

Danki Evelyna Wever-Croes y Ursell Arends pa e problema aki cu lo caba pronto cu nos unico pilar economico.

E funcionarionan di DOW ta harta cu no tin boluntad pa soluciona e problema aki y contrario na polis cu a ser gaña cu no tin schimmelden Warda di Polis, aki no mester di ningun rapport pa mustra e seriedad di e problema.

Awa di riool den area publico ta un peliger serio pa salubridad y consecuentemente lo causa problema grave ora organismonan internacional cuminsa cay aden haciendo pregunta.

Ningun otro destinacion turistico den CARIBE tin e problema aki.

Tanto bal cu Aruba Tourism Authority ta bin cu campaña Value for Money pa Aruba pa promove nos turismo. E fundacion ta kere firmemente cu; tin cu kita autoridad y control riba RWZI cu ta cay bou DOW,  pues prome minister y via Minister di Turismo y Salubridad aloca placa pa RWZI.