Connect with us

Quito Nicolaas lo realisa investigacion riba literatura Arubiano

Aruba

Quito Nicolaas lo realisa investigacion riba literatura Arubiano


Proximamente lo inicia cu un investigacion encuanto di e.o. e interes pa literatura Arubiano. E investigacion aki lo abarca e diferente actornan riba tereno literario. Cada un di e instancianan cu tin di haber cu literatura, sea ta pa mucha, hoben of adulto lo ricibi despues pa dia 21 di februari un invitacion pa participa na e investigacion aki.

E encuesta cu cada autor/instancia lo ricibi, ta contene un cantidad di pregunta pa contesta. A base di e contestanan lo procesa esaki y pone nan den un contexto cientifico. Di e manera aki por haya sa tambe kico tur a haci caba na e infrastructura literario, con esaki ta funcionando y locual cu falta ainda pa haci.

E investigacion aki a bira necesario, debi cu durante hopi aña tin yen di fluctuacion riba dicho tereno. Hopi ta ser papia, pero poco ta wordo concretisa of no tin un liña di accion cu ta indica cu tin un proceso continuo. Como cu literatura ta e wes’i lomba di un sociedad, ta bon pa wak con esaki ta wordo sostene. Por ehempel mester tin un fondo cu ta yuda e autornan financia nan publicacion. Kisas ta bon pa cada 5-10 aña monitor e desaroyonan pa wak e cambionan den transcurso di tempo y kico e stakeholders por contribui pa mehora e situacion. For di e prome reaccionnan por bisa cu e interes ta enorme y cu e idea pa un investigacion a ser ricibi cu hopi entusiasmo.

1n63d148a7063b18.95032605

Den etapa e diferente actornan lo ricibi e encuesta pa contesta e preguntanan. Den un rato (30-45 minuut) por yena e cuestionario. E intencion ta pa na luna di december presenta e resultado di e investigacion. Pa cu esaki lo organisa un anochi unda tur esunnan participando riba e tereno literario, tin e oportunidad pa intercambia di idea cu otro a base di e conclusionnan di e investigacion. Y pa yega na un plan di accion pa – conhuntamente cu otro instancianan y gobierno – ehecuta esaki. Esunnan cu tin por lo menos un buki publica y kende no a ricibi e encuesta pa dia 21 di februari, por laga registra nan nomber via [email protected] lo ricibi e formulario pa participa na e investigacion.

E investigacion aki ta ser dirigi y lo ser ehecuta pa Quito Nicolaas. Den pasado Nicolaas a forma parti di e Socio-Economic Planning Group di DECO na Aruba y tin hopi conocemento con pa conduci un investigacion. Na vispera di Status Aparte el a contribui – bou di guia di E. Nieuhauser di United Nations Development Program (UNDP) na e prome Plan Nacional di Desaroyo pa Aruba. Tambe den su trayectorio el a yega di haci investigacion riba tereno cultural. Awendia Quito Nicolaas ta mas conoci como autor di diferente buki rond mundo y kende a duna charla na diferente pais. Pa su ensayonan y demas publicacionnan Nicolaas na 2022 a ricibi di Rey Willem Alexander di Hulanda un condecoracion den e Orden di Officier di Oranje Nassau.





Source link

More in Aruba

To Top