Connect with us

Purina Pro Plan cu seminario di nutricion: K9 Elite Club awo miho informa riba necesidad nutricional di cacho

Aruba

Purina Pro Plan cu seminario di nutricion: K9 Elite Club awo miho informa riba necesidad nutricional di cacho


Diahuebs a tuma luga un sesion pa e K9 Elite Unit, esta un grupo cu ta hopi envolvi den entrenamento y cuido di mascota, specialmente cacho na Aruba. Esaki tabata un sesion organisa pa Purina Pro Plan Aruba hunto cu veterinario Nannika Honoré. E Club di K9 elite aki mes ta brinda diferente training y ta enfoca pa educa comunidad henter di con pa ta un doño di mascota responsabel. Hopi di nan mes ta doño di un of mas mascota y nan ta hopi envolvi den desaroyo di e mascotanan y kier a siña mas tocante nutricion di mascota.

Segun Ana Maria Ramirez, Brand Manager di Purina na Aruba, por a mira e reaccion di tur locual e participantenan a siña y ta sigur cu esaki ta e prome di varios sesion di e tipo aki.

Pro Plan di Purina, ta un marca premium riba mercado di Aruba, un marca crea pa veterinario conhuntamente cu cientifico y cu a haci estudio grandi pa por a desaroya e liña aki. Cu e tipo di evento educativo kier empodera e consumido, esta e doño di mascota cu informacion pa e por reconoce e nececidadnan nutricional di su mascota.

Veterinario Nannika Honoré y Ana Maria Ramirez, Brand Manager di Purina na Aruba tabata esunnan cu a host e sesion. Veterinario Nannika Honoré tin mas di dies aña di experiencia y pa e sesion e la enfoca riba e impacto cu nutricion tin riba e bida di un mascota. El a cu reitera cu necesidad nutricional di un mascota ta depende di nan edad, etapa di bida y nan estilo di bida.

Tambe a repasa cada un di e pilarnan nutricional y ‘debunk’ e mitonan riba e topico di nutricion pa mascota. E tabata un sesion interactivo cu a culmina cu un test pa e participantenan unda nan por a repasa locual nan a siña. Purina Pro Plan kier a gradici tur participante pa nan interes y enfoke riba e topico di nutricion y bienestar di mascota.

P’e banda di elite K9 Club, e presidente Gibi Vrolijk a expresa cu e seminario tabata tremendo, enfocando specificamente riba e importancia di nutricion pa cacho y esaki sigur tabata importante pa e miembronan ta na altura di dje. Vrolijk a splica cu tabatin varios aspecto cu nan no tabata sa y cu tur miembro a keda contento cu resultado di esaki. Asina tambe el a bisa cu lo ta ideal si por tin seminario asina aki mas frecuente, specialmente pa e comunidad ta mas al tanto riba diferente informacion cu ta importante pa sa ora cu bo ta doño di un mascota.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top