Connect with us

Pueblo por ta trankil: Gobierno lo no reforma AZV sin mas

Aruba

Pueblo por ta trankil: Gobierno lo no reforma AZV sin mas


Diahuebs anochi alrededor di 7:00 pm a inicia un reunion basta scondi na Aruba Ocean Villas na Savaneta. Minister di finansa a organisa un encuentro informal pa mira bek riba un siman druk di trabou pa algun invitado importante cu ta na Aruba.

Ta trata di representante nan di IMF y gobierno Hulandes, cu tabata e invitadonan di honor. Tambe tabata presente; Prome minister, mr. Evelyn Wever-Croes y Endy Croes. A intercambia varios idea relaciona cu desaroyonan di finansa riba nos isla. E reunion a termina te despues di 10:00 pm, a comparti un rato ameno compaña cu un cantidad amplio di pasaboca y algun glas di biña.

Na nan salida for di e reunion, 24ora.com tabata staciona strategicamente parti pafo pa ricibi un prome reaccion di Prome minister, mr. Evelyn Wever-Croes. Manera ta conoci; despues cu prome minister a firma e landspakket, a acorda cu tin cu bin cu reforma den ocho area riba nos isla.

A puntra e prome mandatario pa un reaccion riba e ponencianan cu entre otro fraccion MEP ta para firme cu ne, caminda ta contra ehecucion di e landspakket. Wever-Croes a comenta cu; e condicion pa e landspakket tabata cu parlamento tin cu aprob’e na final di dia.

Pocopoco e dianan ta yegando cerca pa e introduccion di un ‘positivielijst’ y ‘eigen bijdrage’ pa cu AZV, cual ta un di e condicionan cu Hulanda a acorda cu Aruba, caminda tin cu spaar 60 miyon pa aña. Tin un preocupacion grandi relaciona cu e ‘eigen bijdrage’, entre otro di partido AVP. Lider di AVP recien a vocifera su preocupacion riba e tema aki, caminda ta preocupa con e “homber chikito” lo paga pa remidi y bishita na dokter di cas.

Wever-Croes a confirma cu no lo reforma sin mas, pues e reforma ta bin man den man cu un “vangnet.” E “vangnet” ta fungi como e sosten pa e hendenan cu no por cubri e costo extra pa ora di bishita entre otro; dokter di cas of laboratorio. Di e forma aki Wever-Croes a trece un poco alivio riba e tema di ‘eigen bijdrage’, cual tabatin entre otro lider di AVP preocupa.  





Source link

More in Aruba

To Top