Connect with us

Publico di e E-Aruba Seminar hopi satisfecho

Aruba

Publico di e E-Aruba Seminar hopi satisfecho


Riba 700 persona a acudi diasabra mainta na Renaissance Convention Center pa atende e di seis edicion di e E-Aruba Seminar. E evento tabatin uno masha anticipa mirando cu durante ultimo dos aña esaki no por a tuma luga. E wardamento a bal la pena pasobra organisadonan Mark Benson Denz y Diederik Kemmerling hunto cu e ekipo a hinca den otro un produccion integral.

Ademas di e oradornan cu a sa di trece informacion valioso y util dilanti den un manera masha agradabel, tambe e mainta a conta cu seccionnan di entretenimento, interaccion y networking. 

Oradornan local a inclui Pierre Rafini di RBC Bank, ademas di representantenan di diferente sector entre e panelistanan. E oradornan invita ta trece un mescla bon balansa di temanan cu a bay for di mercadeo riba social media te na cybersecurity y e importancia di un bon cultura di trabou.

E publico tabata consisti di ehecutivo y autoridadnan local, profesionalnan di diferente ramo y tambe entrepreneurs existente y potencial.Tur cos a cana di un manera masha profesional y e asistentenan a culmina e seminario satisfecho cu e loke a ricibi.





Source link

More in Aruba

To Top