Connect with us

Promoviendo empatia y inclusion: Proyecto “My Story” tabata un exito

Caribe

Promoviendo empatia y inclusion: Proyecto “My Story” tabata un exito


Na 2023, Panamerican Development Foundation a invita Fundacion Telefon pa Hubentud, bao direccion di James Sneek, pa crea un proyecto enfoca riba hoben yama “My Story”. E programa aki ta busca pa reduci discriminacion y fomenta empatia entre e hobennan a traves di diferente actividad.

E proyecto a cuminsa na maart, reuniendo ocho hoben migrante y ocho local den un serie di seis sesion. Den e prome sesion, e participantenan a conoce otro y a participa den workshop riba drecho di mucha y igualdad. Despues, e hobennan a bishita cas di otro, conociendo nan ambiente y cultura, promoviendo asina un comprondemento mas profundo.

IT5A7165

A lo largo di e proyecto, nan a discuti tema manera cultura y integracion. Den e di cuater sesion, e participantenan a expresa nan experiencia mediante creacion di un pintura, reflehando nan experiencia na Aruba y nan luga di origen.

E culminacion di e proyecto tabata e creacion di un short movie titula “My Story”, caminda e hobennan a comparti nan storia, mustrando nan vision di e hogar tanto na nivel personal como den e contexto dio Aruba. E film aki a present’e hunto cu un exposicion di arte crea durante e sesionnan.

E grupo a inclui hoben di Venezuela, Colombia, Haitim Jamaica y Aruba, kendenan a comparti y a siña di nan experiencianan cultural. E proyecto a tuma luga den varios idioma, sigurando inclusion di tur e participantenan.

E exito di e programa a fomenta amistad duradero entre e hobennan y e fundacion tin planea cu e proyecto den 2025, cu sosten di Panamerican Development Foundation y financiamento di e gobierno Mericano.





Source link

More in Caribe

A2Z ADMINISTRATION

AD

To Top