Connect with us

Prome Minister Wever Croes: Ta spera cu esaki tabata ultimo prolongacion ceramento di frontera

Untitled design 18

Caribe

Prome Minister Wever Croes: Ta spera cu esaki tabata ultimo prolongacion ceramento di frontera


Falta di un procedura eficiente riba e peticionnan di asilo, ta strobando apertura di frontera di Aruba cu Venezuela. Esaki por conclui di e declaracion cu Prome Minister Evelyn Wever Croes a duna na un noticiero dirigi na e comunidad Latino.

Manera por corda, rond di un luna pasa, e autoridadnan concerni a informa cu un biaha mas a prolonga e decision cu ta mantene frontera cu Venezuela cera. Awo e mandatario den combersacion cu Jhon Watts, di Noticia Impacto, a informa cu e ta spera cu esaki lo ta e ultimo prolongacion.

Tabata Venezuela cu den forma unilateral a cera frontera cu Aruba na januari di aña 2018 sin motibo valido y despues un biaha mas na februari, 2019. Despues di hopi negociacion, a habri e frontera maritimo na mei di aña pasa (2023). Pero e speransa cu esun aereo por sigui hopi lihe su tras, a keda na deseo so.

Awo e mandatario a declara cu “nos departamento- y organisacionnan no ta completamente cla y prepara p’e reapertura.” Y a splica e aspecto tecnico cu kisas hopi hende no tabata na altura di dje. Tur cos tin di haber cu e retraso grandi cu tin na DIMAS, specificamente na e seccion di Asilo. Tin un retraso cu ta data di basta aña caba. “Si nos habri e frontera y haya hopi peticion di asilo, Aruba lo hay’e den problema.”

Untitled design 18

T’asina cu Aruba, contrario na Corsou, ta parti di e Tratado di Refugiado di Nacionnan Uni. A base di ta miembro di e tratado aki Aruba no solamente mester tin un unidad (seccion di Asilo) pero tambe cu e ta funciona. E tratado ta exigi pa e proceso di peticion di asilo finalisa hopi lihe, esta for di momento cu entrega e peticion aki te ora cu tuma un decision no por dura eternamente. “Esey t’e problema cu nos tin,” e mandatario a splica.

Pa relato amplio lesa TREMPAN.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top