Connect with us

Prome minister a ricibi bishita di muchanan di sea bunita sea bo mes

Aruba

Prome minister a ricibi bishita di muchanan di sea bunita sea bo mes


En conexion cu Dia Internacional di Personan cu Capacidad Limita, Prome Minister Señora Evelyn Wever-Croes tawata tin e grato honor di ricibi muchanan di Fundacion Sea Bunita Sea bo Mes diabierna 3 di december atardi. Un atardi hopi ameno na unda nos muchanan special a keda hopi contento cu e atencion cu nan a ricibi.

Pa Gabinete Wever-Croes inclusion tin prioridad. Vision di Gabinete Wever-Croes ta pa crea mas inclusion creando mas posibilidad pa tur ciudadano, sea cu of sin limitacion. Esaki ta un paso hopi importante den e direccion pa brinda un miho calidad di bida na esnan mas vulnerable den nos comunidad.

Prome Minister a expresa su gratitud na tur esnan cu ta haci e trabou grandi y bunita di yuda nos ciudadanonan cu limitacionnan. Gobierno ta solamente un vehiculo cu mester facilita pa e trabou aki wordo haci cu menos limitacion, desafio y reto.

Na e ocacion tambe, e muchanan a canta ‘Happy Birthday’ pa Prome Minister kende ta cumpli aña den fin di siman aki.

“Hunto nos ta mehora calidad di bida di tur esnan cu limitacion, cu e meta: inclusion. Pa laga ningun hende atras”, Prome Minister Evelyn Wever-Croes a enfatisa.





Source link

Click to comment

Leave a Reply

Your email address will not be published. Required fields are marked *

More in Aruba

To Top