Connect with us

Prome campeonato nacional di gymnasia ritmica a tuma luga na Perla Gymnastics Club

1K9A9689

Caribe

Prome campeonato nacional di gymnasia ritmica a tuma luga na Perla Gymnastics Club


Diasabra mainta a tuma luga e prome campeonato nacional di gymnasia ritmica na Perla Gymnastics Club, un deporte cu ta keda crece mas y mas awor na Aruba recientemente. Milly Bagheri, presidente di Federacion Gymnastico Arubano (FGA) a conta nos cu ta prome biaha a logra organisa e evento aki pa e club Perla. Awor akinan a logra trece un evento hopi interesante pa tur hende pasobra gymnasia ritmica no ta mucho conoci of mes popular cu artistic gymnastic (gymnasia artistica).

Ritmica ta purbando na crece y desaroya esaki mas pa e muchanan interesa den e parti aki pasobra e ta un disciplina hopi bunita cu hopi flexibilidad, coordinacion, bo mester tin ritmo. “Pa e islanan y cultura cu nos tin akinan mi ta kere e ta hopi bon pa por introduci esaki p’e muchanan. Nos ta contento cu nos prome evento di campeonato nacional”, Bagheri ta expresa.

E ta un sentimento hopi great pa head coach Adriana Arrebola pasobra ta refleha tur e trabao duro cu nan a haci pa porfin logra organisa pa prome biaha e campeonato aki. Principalmente gymnasia ritmica tin hopi detaye. Bo tin cu traha riba musica, e tin cu pas cu e mucha, e decoracionnan y hermentnan, e implementonan mester ta decora pa e paña, makeup, cada coreografia pa cada mucha ta diferente tambe. Mester traha esaki via reglanan specifico cu bo no por faya pasobra cada eror cu bo ta comete den loke ta un montahe di coreografia, pa logra esaki lo ta un punto menos.

“Tin hopi trabao tras di dje. Oranan di training y dedicacion pa drecha e luga bunita p’e muchanan, mamanan na cas decorando paña, e ta un trabao hopi largo pero e frutonan cu e ta duna ta hopi bunita”, Arrebola ta splica.

Desde 2023 y tambe anteriormente nan tabata tin representacion den area di Centro Americano y Sur Americano, cu representante di ritmica y tambe artistica. Pero e intencion sigur ta pa sigui crece pa ritmica bira un evento anual cu ta sigui haci campeonato nacional. “Nos tin wowo naturalmente riba esunnan cu ta biniendo, cu ta birando e top atletanan di ritmica, p’esey ta importante pa tin e campeonatonan aki. Nos ta spera cu e acogida ta hopi bon, cu nos ta haya hopi hende interesa pa trece nan muchanan pa haci gymnasia ritmica”, segun Bagheri.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top