Connect with us

Programa nobo di Masters of Business Administration (MBA)

Aruba

Programa nobo di Masters of Business Administration (MBA)


Diaranson Universidad di Aruba a anuncia cu nan lo cuminsa cu nan programa mas nobo riba nivel di Masters, cual ta e MBA-program. 

Sue-Ann Lee, Decano di e Facultad di Hospitality and Tourism Manangement Studies a informa cu pa cu esaki nan lo tene un Open House dia 28 di april, unda cu lo tin mas informacion riba e programa nobo aki, Masters of Business Administration (MBA). 

E idea ta pa invita tur esunnan cu ta interesa pa sigui cu nan Masters y tambe pa esunnan cu ta trahando caba den e diferente sectornan cu lo kier sigui desaroya den nan carera. 

Mas aleu, Lee a bisa cu pa sigui un estudio MBA mester tin un Bachelor’s Degree y tambe al menos dos aña di experiencia, na nivel di supervisor of management. Esaki ta hopi importante.

Tambe Sue-Ann Lee a indica cu esaki ta e di shete di edicion di e MBA Program. A cuminsa cu e programa aki na 2008 y cada dos aña universidad di Aruba ta cuminsa c’un MBA Program nobo.

Den e ultimo añanan tabata tin como ochenta aplicacion y esakinan tur tin cu pasa den un proceso di seleccion. 

Riba e portal di UAE tin tur e informacion di kico e aplicacion ta encera y kico ta tur e rekisitonan. 

Pa un relato mas amplio, lesa bo corant digital TREMPAN





Source link

More in Aruba

To Top