Connect with us

Problema entre Hulanda y Aruba ta e protocol riba supervision financiero

Aruba

Problema entre Hulanda y Aruba ta e protocol riba supervision financiero


Posted on 12/17/2021 3:41 pm AST | Updated on 12/17/2021 3:43 pm AST

ORANJESTAD – E problema entre Hulanda y Aruba cu a surgi pa cual Hulanda a opta diabierna pa no tuma decision riba e asuntonan di e.o. Aruba, ta relaciona cu un protocol nobo.   Investigacion di e portal aki a mustra cu ta trata di un protocol nobo cu mester wordo cera entre Aruba y Hulanda riba e continuacion di supervision financiero mientras cu e RAFT (Rijkswet Aruba Financieel Toezicht) no ta cla ainda. Hulanda lo kier un protocol sin fecha, mientras cu Aruba kier a mara e protocol na un fecha final, pa e no bira uno ‘habri’ ya cu esaki e ora ta bira ley.

REACCION WEVER

Den un reaccion despues pa e portal aki, premier Evelyn Wever Croes a splica cu riba nivel ambtelijk ‘a bai eens cu e Nota van Wijziging (NvW) di COHO’. “Y bestuurlijk tambe nos tabata casi cla pa bai eens te ora nan a bin cu e protocol zonder eind datum” Wever a sigui bisa.”  Den mi carta pa Knops mi a bise cu mirando cu toch nos no ta haya liquiditeit steun, e goedkeuring di e NvW di e Coho ta zinloos”. E protocol tabata algo completamente nobo cu nunca a papia di dje den pasado, pasobra Aruba tabata cumpli cu tur exigencia. “Si e tabata un oferta rasonabel, nos no tabatin problema cu ne. Pero nan kier pa nos verleng un protocol aki cu ta e protocol di 2018, ‘zonder een eind datum’.  Mi verleng e contra einddatum, mi ta actuando contra e constitucion y mi no ta bay haci esey”. Esey a bay den un carta di 8 di December ultimo. Fuera di e protocol, tin mas asunto segun e mandatario a sigura e portal aki. Entre nan tin e cancelacion di e recorte financiero. Hulanda, segun Wever, a bisa cu no ta para e recorte financiero den 2022 manera cu Aruba kier. Aruba ta insisti pa duna Aruba e espacio pa den 2022 cuminsa caba cu esaki. “Ni esey nan no kier”. Dus Wever a bisa cu e biaha aki nan (Aruba) a para fuerte pa asina logra cu e 12.6% por wordo baha. 

TEXT

Loke cu Wever ta admiti ta cu enberdad cu Hulanda ta bisa cu Aruba no ta bayendo di acuerdo cu e texto di COHO pa e leynan por sigui cana. “Esey ta berdad. In principe nos ta eens, pero mi no ta bay dunele e goedkeuring ey. Mi ministerraad no ta eens pa duna e goedkeuring ey, siendo cu nos ta na mesa ta negosha. Di  un banda nos ta duna tur cos di nos banda y cada bes nan ta bin cu cosnan nobo” e mandataro a sigui bisa. Loke e kier pa Hulanda realisa ta cu un protocol sin fecha final ta contra constitucion, y a pidi pa prolonga e protocol actual pa un aña, y den e aña ey, e RAFT tin cu keda cla. 





Source link

Click to comment

Leave a Reply

Your email address will not be published. Required fields are marked *

More in Aruba

To Top