Connect with us

Presentashon buki nobo pa mucha ‘Buchi Penchi Malo’

Aruba

Presentashon buki nobo pa mucha ‘Buchi Penchi Malo’


Riba dialuna mainta, 1 di november, den un esfera masha ameno a presenta na Colegio Ora Ubao, un buki nobo pa mucha ‘Buchi Penchi Malo’ skirbi pa Esmeralda Tromp-Jacobs, mihor conocí como Tanchi Esme cu tin su programa di Mucha esta Mundo Infantil.

E buki a wordo publica pa Request Publishing. Ilustrado di buki ta Armando Goedgedrag. MC tabata George Winterdaal i Lyonel Dirks. A habri e mainta ku un cantika di juf. Velushka Dijkhoff. A será e mainta ku show di Ez Party Solution.

‘Buchi Penchi Malo’ ta un storia ku ta trata importansia di evita di pensa y hasi maldat, e importansia di scohe pa pone meta pa logra algo den bida. E storia tin varios siñansa. Entre otro e importansia di solo pa humanidad, e aspecto di pordona, mustra afeccion y disidi pa scohe e bon caminda.

Pader Jan a bendishoná e buki den presensia di tur mucha y invitadonan. Despues a hasi entrega di e buki na Minister President Evelyn Wever-Croes, Minister Xiomara Croes, Minister Endy Croes, Madrina, Padrino, Director di scol Colegio Ora Ubao, ilustrado i algún invitado mas.

Denise de Jongh-Rekwest a publica e buki aki cu coperacion di patrosinador principal Divi Impact Foundation y co- patrocinador Avis Rent a Car. Lo bai regala pakete di buki na tur scol basico di Aruba, Imelda Hof, Trai Merdia y Biblioteca Nacional di Aruba. Di e manera aki ta uni forsa pa motiva e mucha na un manera placentero pa lesa. E buki ta obtenibel na De Wit Vandorp bookstore, Plaza bookshop, The Nick Shap i Biblioteca Nacional di Aruba.





Source link

Click to comment

Leave a Reply

Your email address will not be published. Required fields are marked *

More in Aruba

To Top