Porta ta keda habri pa ex-candidato di AVP bin cas bek

Faltando un aña pa e siguiente eleccion parlamentario, ta surgi un cantidad di rumor. Incluso e candidatonan cu lo forma parti di un partido, otro cu lo bolbe den politico of hasta bolbe partido despues di a bandona esaki.

A papia di e tema aki cu e lider di AVP, mr. Mike Eman, durante un conferencia cu tabatin diabuebs mainta pa sa si tabatin encuentro entre e AVP y candidatonan cu a bandona e partido. A bini dilanti cu no tabatin ningun combersacion entre AVP y Otmar Oduber.

E partido mester ta mira e regreso di Oduber como algo bastante dificil despues di tur loke a tuma luga den pasado. AVP ta renobando su mes y ta trahando pa bini cu personanan prometedor pa futuro di e isla. Y riba esaki ta enfocando nan e momentonan aki. Pues en busca di candidatonan cu por aporta na e vision di e partido su pensamento, cu ta dirigi riba e Bon Comun.

AVP kier candidatonan cu tin e meta pa sirbi e vision. Desde cu Oduber a bandona AVP, e no por bisa nada pasobra e tabata forma parti di e partido. Ta desea tur cu a bay exito. E prioridad awo ta renobacion cu hopi persona nobo.

AVP nunca ta cera porta. Por tin pensamento diferente y cu a  bay. Tin hende a keda inactivo hopi aña y despues a bolbe, no como candidato. No ta papia malo di esnan cu a bay. SI ta papia di renobacion, no por mira direccion di Otmar Oduber.