Polis di San Nicolas a actua di biaha: A topa señora di edad coriendo den verboden riba green corridor

Un patruya di San Nicolas hopi atento den trafico tumando rotonde di Balashi Drive Inn direccion pa Pos Chikito e oficial a capta un luz den su banda robes di caminda bayendo ariba, e oficialnan a capta un kia sportage coriendo den verboden e banda cu auto ta baha di pariba.

E oficialnan no a basila a sende luznan y sirena pa hala atencion di biaha di e automobilista y pa bay dal un buelta te pariba bin bek abou por ta secondenan cu por pasa un desgracia. E luznan a hala atencion di e chauffeur y a para, e oficialnan a baha di nan auto bula e caminda bay atende cu e chauffeur di biaha. Pa sorpresa di e oficialnan ta un hende di edad, e señora su wowonan a bruha y a tuma e caminda robes, danki dios no tabatin mucho trafico sino por tabata un desgracia. E oficialnan a pone e señora baha di su auto y a bira e auto bek pone cabes pabou y a yama famia pa busca e persona pa bay cas cune y a laga e auto banda di caminda.

Bon trabou n’e Polisnan di San Nicolas pa ta asina atento y a actua di biaha y riesgando nan mes.