Connect with us

Polis a sigui y detene chauffeur cu a hit and run na Eagle

Aruba

Polis a sigui y detene chauffeur cu a hit and run na Eagle


Un chauffeur di un Mercedes Benz color preto a kere cu e por dal auto y core bay sin cu e ta ser gara. El a faya den su intento pasobra despues di dal y purba core bay polis a mire y sali su tras.

A cuminsa un persecusion. E chauffeur cu e Mercedes Benz A-54727 a reverse dilanti supermercado na Eagle den Schotlandstraat. El a dal den un jeep cora pushe riba e cura di cas. Djey sali bay manera nada a pasa. Aunke e chauffeur a nenga di stop na prome instante, el a pense bon.

Ya refuerso di mas unidad di polis a cuminsa yega cerca pa asina para e Mercedes Benz. A logra pare poco pariba di Aruba Bank na Hato. Den forma tactico a acerca e chauffeur. E no tabata mustra un hende 100% apto pa stuur auto.

A detene y hibe warda. E tabata contesta polisnan constantemente y expresa su mes menos nechi cu palabranan insolente hasta. Finalmente a takel e auto hiba warda.

Polis di trafico a presenta y atende cu e caso. A bay unda a dal e jeep y eynan tambe a papia cu e doño pa asina e haya su auto drecha.





Source link

Click to comment

Leave a Reply

Your email address will not be published. Required fields are marked *

More in Aruba

To Top