Polis a detene dos hende homber na Yucuri y Rancho pa caso grandi di droga

Posted on 09/8/2023 3:22 pm AST | Updated on 09/8/2023 3:23 pm AST

ORANJESTAD – En conexion cu un investigacion andando pa Unit Narcotica, ayera a tuma lugar un entrada hudicial den e bario di Jucuri y a detene un hende homber Colombiano di incial O.D.T.J. di 35 aña di edad.

E investigacion a sigi su curso y awemainta trempan a tene un otro entrada hudicial den rancho enconexion cu e mesun caso.

Akinan a detene un hende homber cu inicialnan J.J.M.G di 41 aña di edad. Na e sitio a haña un cantidad grandi di cocaina, marihuana y piedra. Tur esakinan a wordo tuma den beslag pa mas investigacion.

E investigacion ta basa riba sospecho di exportacion di droga pa exterior. NO ta descarta mas detencion y entrada hudicial pa Unit Narcotica.

Unit Narcotica ta un unidad di Cuerpo Policial Aruba  cu oficialmente a wordo lanta 1 augustus 2023. E unidad ta investiga tur loke ta bendemento di droga for di casnan, ariba caya, delivery, plataforma social y hasta area di hotelnan. Tambe e unidad ta investiga tur droga cu wordo intercepta pa Douane, US Customs na aeropuerto, door di ambtenaarnan di KIA y tambe tur droga encontra  durante cualkier control policial. 

Pa Cuerpo Policial Aruba por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.