Connect with us

Polia; sacando un man pa un adicto ambulente

Aruba

Polia; sacando un man pa un adicto ambulente


Cuerpo Policial Aruba conoce diferente caranan di polis cu ta haci diferente sorto di trabou. Nos agentenan semper ta esnan cu ta yega prome na un sitio di incidente y ta e ultimo pa bay. Hopi biaha nos comunidad ta wak e cuminsamento di un proceso pero no ta mira con e proceso ta sigui desaroya. Cada asistencia ta diferente pero tin algun di nan ta yega cerca di nos curason cu sigur como Polis bo no lo para keto pero bo kier bay e “extra mile” pa yuda un prohimo haya un oportunidad mas den bida. Awe nos comunidad lo cera conoci cu otro banda di medaya di un Polis cu a bay e “Extra Mile” pa un persona. Ta trata aki di polis di bario di Santa Cruz Sr. I.Matos cu ta coordinador di e dicho departamento aki. Ela a tuma e timon pa saca un man y yuda un persona cu ta recidivista, adicto ambulante y ta causa problema den diferente bario na Santa Cruz un chens mas den bida. E persona no ta desconoci pa Polis di Santa Cruz pa es motibo aki Sr. Matos sin pensa dos bez a lora manga y cuminsa mesora! Sr. Matos a cuminsa cana e caminda y proceso pa yuda e persona aki pa bay rehabilitacion den exterior.

 

Simannan largo cu maximo esfuerso e trabou a duna su fruto. Sr. Matos  a fungi como intermedario entre e partnernan di diferente departamento social y organisacion pa asina yuda e persona haya un segundo chens den bida. E no tabata un trayectoria facil hopi contratiempo pero na final Sr. Matos a logra e meta cu e tabata desea. Sr. Matos a demonstra cu “Waar een wil is, is een weg!”. Cu e actitud aki demonstra e persona en cuestion a haya e oportunidad y un chens mas den bida. E la haya e oportunidad di subi avion y bay rehabilita den exterior. Awor ta keda na e persona en cuestion pa haci bon uzo di e oportunidad aki cu Polis, coordinador di Bario di Santa Cruz, Sr. Matos a logra realisa pe. Nos di Cuerpo Policial Aruba ta para keto y duna e reconocimento na Sr. Matos. Pa su esfueso y dedicacion pa bay un “extra Mile” pa e persona aki. Como Polis nos tin hopi tarea y ta haci hopi trabou. Pero un di nos trabounan tambe ta pa yuda saca un man pa un persona for di e situacion cu e ta un pa miho provenir. Nos tin hopi Polis cu ta haci e “Extra Miles” aki. Nos ta yama boso danki, danki na Sr. Matos cu a haci esaki y tambe na tur Polis cu ta bay e “Extra Miles”. Nos tur ta ser humano, pero ta keda na cada un di nos pa yuda un prohimo y pa hiba nos Pais dilanti. Pueblo di Aruba sea orguyoso di cada agente cu ta destaca y ta haci un maximo esfuerso pa yuda otro prohimo. Esaki ta haci nos e bon Arubiano cu semper nos ta!





Source link

More in Aruba

To Top