Connect with us

Poder di Hubentud cu dos actividad special pa hoben otro siman

Aruba

Poder di Hubentud cu dos actividad special pa hoben otro siman


Dia 17 y 19 di november, lo bay tin dos actividad special pa nos hobennan, formando parti asina n’e di 7 edicion di Poder di Hubentud, un iniciativa di ATHA (Asociacion Trabao di hubentud Aruba)

E prome anochi lo ta un debate titula ‘Dun’un man’. Durante e debate aki lo trata e topiconan di embaraso hubenil y salud mental. Cu e debate aki kier informa y educa nos hobennan di e escogencia cu nan por haci pa yuda nan mes y pa otro. Orario y luga di debate lo ta anuncia despues.

Dia 19 di november, lo bay tin un otro evento yama Culturarte cu ta un proyecto cultural interactivo y innovativo.

E actividad aki lo ta uno cultural innovativo pa motibo cu ta tene cuenta cu tur regla di Crisis Team. E anochi aki lo ta uno di canto, baile, declamacion di poesia entre otro na un manera innovativo. Hoben cu ta desea pa participa n’e actividad aki, lo ricibi un carchi di entrada gratis. E actividad lo tuma luga otro siman diabierna, dia 19 di november na Centro di Bario Noord, fo’i 6:00 pm pa 9:00 pm. Porta lo habri pa 5:30 pm. Si tin hoben cu ta interesa pa un carchi por acerca un di e hobennan nomina pa Poder di Hubentud. Pa mas informacion por bay riba nan pagina di Facebook of contact Nathan Romano na 5665468 y nan lo ricibi nan carchi.

Poder di Hubentud ta anuncia dos proyecto nobo

Posted by 24ora on Friday, November 12, 2021

Un total di 125 hoben por participa na e anochi aki. E evento aki ta specialmente pa hoben di 13 aña pariba. Ta invita Aruba henter pa sigui apoya e hobennan na Aruba y pa participa n’e dos actividadnan aki.

Pa un cobertura mas amplio lesa e siguiente edicion di TREMPAN.





Source link

Click to comment

Leave a Reply

Your email address will not be published. Required fields are marked *

More in Aruba

To Top