Connect with us

Pida lama na Savaneta awo ta liber di asbestos

Aruba

Pida lama na Savaneta awo ta liber di asbestos


Den cuadro cu 2021 y 2022 ta añanan declara na e proteccion di ocean, The O Foundation a percura e siman aki pa un limpieza di un area costero den e bisindario di Savaneta. Suzy Maduro, Presidente di “The O Foundation” a expresa di ta sumamente contento cu un di e proyectonan di e fundacion a keda concretisa prome cu 2021 a termina.

Na Savaneta tin un pida tereno banda di lama unda e hendenan grandi di ey banda ta bay, hopi bes, pa tuma aire fresco di lama y gosa di naturaleza. Sinembargo a descubri cu den e lama tabatin desperdicio di asbestos benta. E ciudadanonan aki a tuma contacto cu The O Foundation, cu a tuma e responsabilidad di bin cu un solucion.

E fundacion a logra haya sponsor di Aruba Ocean Villas, un compleho turistico di e mesun bario y cu esaki a contrata un compania cu ta specialisa den kita material peligroso manera asbestos. E trabou di limpieza a tuma luga ayera diabierna y e area a keda limpi despues di a yena 53 saco di sushi. 

Maduro ta haci un apelacion na comunidad pa coopera den e mantencion di lama limpi. El a remarca cu tur caminda na costa of beachnan ta topa boter di cerbes bashi tira y otro desperdicio. “Por fabor bebe bo cerbes y hiba bo boter bek cu bo! Ban yuda tene nos costa limpi pa nos tur por disfruta di dje. Ademas, den lama tampoco ta luga pa dump sushi y sigur no material manera dak di asbestos”.





Source link

Click to comment

Leave a Reply

Your email address will not be published. Required fields are marked *

More in Aruba

To Top