Connect with us

P’e ta legal: Minister Presidente mester a aproba contract entre WEB y Eagle LNG

Aruba

P’e ta legal: Minister Presidente mester a aproba contract entre WEB y Eagle LNG


Aunke cu e intencion ta pa yega na un otro reparticion di e carteranan den Gabinete Wever-Croes II, hecho ta cu tanten e ley di Landsverorderinf Instelling Ministeries (LIM) no pasa den Parlamento, cu keto bay esun bieu ta na vigor. Y den esey Evelyn Wever ta encarga cu maneho di energia di nos pais, bou unda Utilities, RdA y CAP ta resorta. Expertonan legal ta insisti cu un aprobacion di Minister Glenbert Croes lo ta ilegal y como tal, lo no mara nos pais na dicho contract. Den caso cu Wever a sostene e contract, sin consulta cu Conseho di Minister, coalicion ni tampoco cu Parlamento, ta haci e impasse mas grandi ainda!

Den pasado Gobierno di Aruba a lanta e compania Utilities Aruba NV cu e meta pa actua como un holding company of compania madre pa WEB Aruba NV y NV Elmar. Mientras cu a funda WEB desde 1932, Utilities Aruba a bira un realidad te na aña 1990. E ta doño di e dos companianan WEB y ELMAR.

E meta semper tabata pa por mantene e control y influencia di gobierno den e companianan aki. P’esey a crea statuutnan cu ta traha rond di gobierno. Tin un minister, cu segun e ley di designacion di ministerio, ta responsabel pa Utilities. Den practica esaki kiermen cu e minister aki ta esun cu ta apodera pa gobierno pa actua como accionista den Utilities y como tal eherce e voto como acionista. Como tal no solamente e minister aki ta dicidi kico ta pasa den Utilities incluyendo ken ta director y ken ta representa gobierno den e hunta di comisarionan den Utilities, pero tambe kico ta pasa ora Utilities como accionista di WEB Aruba NV y NV Elmar dicidi ken ta bira director y comisario den e dos companianan aki.

Mester bisa cu ora a crea Utilities na 1990, nunca a imagina cu wantando gobierno leu di maneho di e companianan estatal lo inclui bufete di abogado dine tata di e minister encarga cu Utilities lo ra envolvi den delaster un negosacion cu e compania. Tampoco ningun hende por a biba pensa cu un dia e sua (ruman di casa) di e minister encarga lo ta presidente y alabes director di WEB. Pio ainda a soña na aña 1990, cu un dia un ex-candidato riba lista di MEP y pareha di coordinador di e minister di energia lo bira director di Utilities, sin cu e tin e estudio, experiencia ni conocemento pa e funcion. 

Pero cu un compania manera Utilities Aruba memey di e companianan estatal y gobierno, ta haci cu toch e gobierno na mando por mantene un control directo riba e directornan di WEB y Elmar. Tambe, e director mester di aprobacion di Utilities – dus di gobierno – pa decisionnan importante y ora ta trata di compromisonan largo y riba cierto montante. 

Teniendo cuenta cu esaki, mester compronde cu sin gobierno duna aprobacion of instruccion specifico, nunca por a firma e contract entre Eagle LNG y WEB Aruba NV. Es mas e aprobacion of instruccion cu ta wordo duna mester a referi specificamente na e contract en cuestion. O sea ta duna aprobacion pa firma e contract specifico. 

1n61b5428fd11329.41385759

Esaki ta trece cu ne cu e minister como accionista di Utilities (Evelin/Glenbert) mester a participa den un reunion di accionista di Utilities y aproba un resolucion pa instrui e director di Utilities (Ton) pa yama un reunion di accionista di WEB y den e reunion ey den nomber di Utilities (Gobierno) aproba e contract specifico entre Eagle LNG y WEB. No por otro!

E pregunta huridico awor ta: Ken a aproba e contract aki pa gobierno? Evelyn Wever cu te ainda ta legalmente responsabel pa Utilities of Glenbert Croes cu ta politicamente responsabel pa e compania. Un fayo den e procedura aki por haci cu henter e contract por ta invalido!

E directornan di WEB, Elmar y Utilities tin e deber di traha den interes di e compania. Pesey nan ta wordo paga y no pa baila na amen di e accionista. Pero manera historia ta siña nos, ora cu un director no baila na amen di gobierno como acionista, ta bula su cabes mesora!

Los di esaki cada director y cada commissaris cu a coopera cu e acuerdo aki por wordo teni responsabel personalmente pa e contract aki. Mescos cu recientemente corte na Corsou a tene directornan y commissaris di Ennia personalmente responsabel pa casi 1 biyon florin!





Source link

Click to comment

Leave a Reply

Your email address will not be published. Required fields are marked *

More in Aruba

To Top