Connect with us

Patio 15 awo habri pa lunch

Aruba

Patio 15 awo habri pa lunch


Patio 15 no ta un luga desconoci pa su popularidad cu e tin den pueblo y pa su ratonan ameno.

Y awo ta cla pa introduci un menu pa merdia. Ora cu bo ta bay sali durante bo lunchbreak, na Patio bo tin cu pasa.

Awo Patio 15 tin un special pa nos localnan. Hopi hende tabata asumi cu Patio tabata habri pa lunch. Awo porfin a introduci esaki y desde diamars 7 di december ta habri pa lunch for di 11:00 am te cu 3:00 pm, tanto pa nos localnan cu ta den e area di Oranjestad y ta busca co’i come. Nan por bin y busca nan cuminda.

E ta conta tambe pa nos turistanan. Den e luna aki di december tin basta barco crucero cu ta biniendo y nan ta mas cu bonbini pa disfruta di e cuminda local. Tambe tin cuminda internacional. Ta e idea pa habri durante lunch den luna di december.

Tin aworaki un tent masha grandi mes cu ta haci cu e ta masha ameno mes pa por come pafo.

Ya riba red social por mira flyer di Patio 15 ta saliendo di un descuento pa e localnan cu pasa. Ta 25% di descuento cu sigur ta un tremendo prijs. Tur dia tin dos ‘local special’, cual ta 17.50 cu ta un bon prijs y riba un cantidad limita.

Si bo come of take-out e ta keda e mesun prijs. Djis pasa y bin disfruta di bo break na Patio.

Tambe tin mas item riba e menu. Tin entre otro ‘surf & turf’, tenderloin cu cabaron. Tambe tin burger masha dushi mes y quesadilla. Tin burrito y ceviche di mahi mahi. Ta un variedad grandi di cuminda. Patio ta conoci pa ta un restaurant di tapas, pero merdia mester di algo bon pa por fuel e energia. Den e caso aki tin plato fuerte tambe cu ta disponibel durante dia y tin algun tapas cu ta popular, esta e best sellernan manera ‘Patio Spam Sliders’ cu tambe ta disponibel den dia. Tambe tin escargots cu mushrooms, of lobster mac and cheese. Ta hopi cuminda cu Patio ta conoci p’e cu tambe por haya riba e ‘lunch menu’.

Fuera di esey ainda nan tin algun luga habri pa loke ta Christmas Dinner of Christmas Lunch por yama pa reservacion na 5881515 of tambe por subi riba nan pagina di Facebook, unda cu por haya e link pa nan Christmas menu y tambe nan menu pa lunch cual ta hopi dushi y na bon prijs.

Patio 15 ta situa net patras di Royal Plaza den Weststraat 15.

Patio 15 ta habri di 11:00 am te cu 3:00 pm pa lunch di diamars pa diasabra. Diadomingo y dialuna no ta habri pa lunch.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top