Connect with us

Pastor Marcel Balootje: Haci bo bida y bo cas limpi

Aruba

Pastor Marcel Balootje: Haci bo bida y bo cas limpi


Corintionan Capitulo 10 vers 21 +22 ta bisa: Boso no por bebe di e copa di Señor y e copa di demoñonan: boso no por tuma parti na mesa di Señor y na e mesa di demoñonan . Of ta provoca nos ta provoca Señor pa haci E bira jaloers, Acaso nos ta mas fuerte cu Señor?

Hopi hende ta celebra locual nan no conoce, y ta kere ta un fiesta sin busca drechi, for di unda e cos aki ta bini, cual ta su origen , commercial  y diabolico.(  Lesa Romanos Capitulo 12 vers 1+2).

Si e tabata algo bon, cu ta agrada Dios lo e no ta causando tanto problema, y digusto tanto den famia como riba caya, y awor tur hende por mira e resultado.

Nos mester hala atencion di pueblo cu e cos aki ta bay completamente contra e palabra di Dios, pasobra no ta tur locual hende ta aplaudi, ta agradabel den bista di Dios, y nos tin sigur cu idolatria ta abominabel den bista di Dios. ( Exodus capitulo 20 vers 3, 4, 5, 6).

Ora nos ta tuma parti na mesa di demoño, nos ta trece problema pa nos mes, pasobra e Spirito Santo cu ta biba den bo  ta den guera cu e diabel cu abo ta invita pa bini den bo bida, e ta mustra infieldad na Dios y tur esey tambe ta trece  stress y depression ora un hende kier cana den dos caminda, y mas despues  si e persona no kier arepenti y bandona e caminda ey, su chens pa alcansa un problema mental, ta grandi  y ta solamente e liberacion di Dios  por libre for di man di e enemigo.

Pero tambe nos kier adverti tur esnan cu ta  yena nan cas cu cosnan den cual nan ta kere cu ta yuda nan pa bay dilanti.

E buki di Hechonan capitulo 19 vers 19 ta bisa bon cla : Y hopi di esnan cu tabata practica magia a trace nan buki nan hunto y a kima nan dilanti di tur: y nan balor tabata di cincuenta mil pida plata. ( actualmente  equivalente na 120 mil Dollar).

Por ta abo tin un mata di placa den bo cas?

Un talisman, un amulet, un rabo di coneu, un awa di suerte, un imagen cu bo tin caricia tur dia?

Algo  pa cuida bo cas, of algun sacrificio cu bo tin cu haci na cierto imagen pa duracion di bo matrimonio?

Of un pacto cera pa bo negoshi. Of bo a tuma un baño pa bo permanece den un posicion. Of bo tin algo bisti pa domina hende?

Ta tempo pa tira e cosnan ey afo, kibra tur pacto. Arepenti y busca cara di Dios.( Lesa  1 Juan 3 vers 8).

Pasobra e sanger di Cristo Hesus  tin poder pa destrui, tur e cosnan  ey, sabi cu tras di tur tipo di idolatria,,of cualkier color di magia ta diabel ta move.

Arepenti y haci bo bida y bo cas limpi, ( Lesa Juan 8:36)





Source link

Click to comment

Leave a Reply

Your email address will not be published. Required fields are marked *

More in Aruba

To Top