Connect with us

Pastoor Jairo Maduro: Un solo Obispado pa seis isla ya no ta factibel mas

Aruba

Pastoor Jairo Maduro: Un solo Obispado pa seis isla ya no ta factibel mas


Pastoor Jairo Maduro, pastoor di Iglesia Inmaculada Concepcion na Santa Cruz, recientemente den un publicacion a expresa su malestar, si por yam’e asina, cu a pesar cu Aruba tin su Status Aparte, ainda e ta cay bou di Obispado di Willemstad.

OBISPADO PA ARUBA

Deseo di pastoor Maduro ta pa Aruba tin su mesun Obispado of un Vicariato Apostolico. Den un entrevista cu Pastoor Jairo, el a indica cu e naturalesa ta pa aspira y pensa den grandi.

Pa loke ta e asunto di Obsipado, hopi hende ta pensa nos ta mucho chikito. Pa hopi aña caba, Aruba ta bou di Corsou, Bisdom di Willemstad, for di 1958. Prome cu esey e tabata un Vicariato Apostolico, un teritorio particular di Iglesia y prome cu esey tabata un Prefectura Apostolico, bou di Monseñor Nieuwindt.

For di 1986, Aruba a bira un pais riba su mes, cu a crece y a desaroya. Aruba a madura y na nivel di iglesia, den su 18 añanan cu e ta pastoor, e ta ripara con e desaroyonan ta, a crece. Tur caminda iglesia ta crece y situacionnan ta cambia.

E ta haya cu Aruba ya caba ta un pais madura, e mester bay riba su mes, sea como vicariato Apostolico of un Obispado riba su mes.

COMISION

Pader Bouwman, dia 21 di september 2005, a yega di trece e pensamento aki y a forma su comision, unda cu el a splica un poco di Aruba, cu tambe tin su problemanan. E tempo ey, el a bay pa Roma, pasando den man (CC) pa Nuncio Apostolico, Arsobispo di Trinidad y Bisdom di Willemstad. Tur e pastoornan a bay di acuerdo.

Como clero, e ta haya cu mester tin un presencia Episcopal, pa bienestar di e pueblo Catolico y tambe pa clero. Hopi biaha, pa tin presencia di Obispo, ta conta cu esaki ta gasto. E mester subi avion y mester tene cuenta cu su agenda tambe.

Pader Jairo a sigui bisa, cu mester ta realistico. Un solo Obispado pa seis isla no ta realisabel mas den e mundo di awendia. Tempo a cambia, poblacion a crece y Iglesia Catolico ta riba su caminda, pero tambe mester bisa cu el a baha den porcentahe di miembro.

E sacerdote a bisa, cu e presencia di un obispo na Aruba, ta yuda na promove unidad. Si tin cualkier problema, e presencia di un obispo lo duna orientacion. Pero na Aruba no tin’e. Tin un Vicario Episcopal, cu ta haci un bon trabou, pero Maduro ta kere cu, Aruba cu ta un pais madura, esey ta necesario,

Lo kier forma un comision, traha un proyecto, pa present’e. Pader Bouman a presenta dos papel, pero nan kier presenta mas, investigando Aruba su realidad social y spiritual. Si Roma bisa no, e ora lo tin di acepta, pasobra ta e ta dicidi.

Pa un relato mas amplio, lesa edicion di TREMPAN di awe.





Source link

More in Aruba

To Top