Connect with us

Pasenshi a caba pero libertad tambe: Detencion despues di control

Aruba

Pasenshi a caba pero libertad tambe: Detencion despues di control


Durante control rutinario pa orario di ciere na algun establecimento, polis a hay’e confronta cu un otro sucedido na momento cu chauffeur a bay reverse pasa dal auto di hende y sigui bay.

Den careda di 1:00 am na momento cu patruya ta para cu zwaailight dilanti establecimento na Tanki Leendert, un chauffeur a hay’e ta warda pa basta rato mirando cu e ta net patras di e patruya. Como cu nan ta uza zwaailight pa indica cu orario di ciere a yega y pa tur hende bandona sitio, esaki ta tuma su rato.

Pasenshi a caba! Despues di un bon rato di warda, e chauffeur di un pickup cora, conoci bou amigonan cu e nomber di “La Bichota” no por a wanta mas. El a bay reverse sali for di e hanchi pero pa su mala suerte el a pasa dal un Nissan March cu tabata mal staciona den dicho hanchi.

E no a ripara cu el a dal e vehiculo y a sigui reverse bay te ora el a sali por completo for di eytras. E polisnan den e patruya a capta tur cos. Nan tambe a reverse, dun’e ordo pa para y akinan e control a cuminsa. A pone para un banda y pidi datos. Na mes momento tambe a pone e chauffeur supla. Un rato despues a pidi transport pasobra a detene e chauffeur.





Source link

Click to comment

Leave a Reply

Your email address will not be published. Required fields are marked *

More in Aruba

To Top