Connect with us

Partido MEP ta cumpli cabalmente cu su mesun pronostico ‘Feestvierend ten Ondergaan’

Aruba

Partido MEP ta cumpli cabalmente cu su mesun pronostico ‘Feestvierend ten Ondergaan’


Lider di partido CURPA, Eric Ras den e comunicado aki a remarca, cu nan por a lesa cu gobierno di Aruba a convence Hulanda pa entrega parti di e 12.6% bek na e empleadonan publico. E entrega di 12,6% NUNCA a sali for di Hulanda. E 12.6% mester ta hinca den e presupuesto 2022 y mester sali for di caha di gobierno y gobierno por dun’e den un solo biaha. Rijksminister raad tin 3 punto cu gobierno di Aruba mester cumpli cu’ne. Nos por corda cu na November 2018 gobierno di Aruba a firma un acuerdo cu lo baha gasto den e aparato publico. Aki ta na unda a nace e beleidsplan operationalisering structureel verlaging personeelslasten y despues di eleccion dia 20 di juli 2021 ta mand’e Parlamento. Esaki ta un acuerdo cu nunca gobierno a cumpli cu n’e.

Hulanda a bisa gobierno di Aruba pa baha gasto, pero ta riba propio iniciativa di gobierno di Aruba y no di Hulanda cu a implementa e 12.6% pa baha gasto riba empleadonan publico. Pa colmo a lastra Korsou y St Maarten den e “hasaña” bergonsoso aki. Pa awor ta bon conoci cu e bahamento di gasto nunca a tuma lugar. A keda hinca hende den gobierno te cu dia di awe. A keda pone mas peso riba lomba di pueblo paso gobierno no tin pueblo di Aruba na pecho y di un manera of otro mester di placa pa sigui paga su debenan y awe esaki ta hasi cu nos debe nacional ta na 128% di nos gdp.

1n628faffb38a805.66570127

E berdad semper lo wak luz di dia. Durante e bishita di e secretario di Estado van Huffelen a bin resulta cu e no sa di e medida riba nos pensionadonan cu ta lucha pa sobrevivi. Otro mentira ta e declaracion di e prome-minister cu nunca tabata e intencion pa keda mantene e reducion di salario, paso esaki tabata supuestamente un acto di solidarismo. E berdad ta cu gobierno a introduci e reducion pa tur empleado publico cu ta bin na remarke pa un bevordering, pues otro “gato escondido”.

Manipulacion ta pio cu bruheria. Wever-Croes ta sigui insisti cu Aruba a logra di convense Hulanda. Esaki ta un mentira flagrante.

Despues cu gobierno a grita cu a logra pa dia 25 di mei 2022, Rijksministerrraad a mustra gobierno di Aruba con cos ta bay y a pospone e reunion te cu 25 di juni 2022. Esaki ta un señal djis pa mustra ken tin poder. Locual ainda falta ta e acuerdo di COHO cu tin riba mesa. Un acuerdo cu nos prome minister den tur secresia a bay Hulanda pa firma. Pa falta di maneho y vision Aruba su lomba ta contra muraya. Hulanda sa cu Aruba  mester doblega y bay cerca dje pa haya placa, pasobra Aruba nunca a traha un dam pa warda awa, sino a maneha nos finansas publico manera un bari sin bom. E COHO manera e ta lo no bay yuda pa drecha nos finansas paso un bez cu bin cu medidanan pisa lo bo core cu tur inversionista. Riba tur tereno nos gobierno ta un desastre. Te cu awe nan no por ni stop e kimamento riba e dump na Perkietenbos corda pa cer’e.

A hinca nos aeropuerto den un debe di 1 biyon florin, nos planta di awa y electricidad den un debe di 700 miyon florin. Pa colmo nos yuinan di tera no ta haya trabou pasobra aeropuerto a busca hende di pafo bin traha y na WEB tambe a pasa mesun cos. Esaki ta yama amor pa nos pais?  En bes di laga nos placa lora riba nos isla no solamente ta crea debe pero riba dje tur placa ta bay afo. Kico nan kier hasi hinca tur e companianan estatal aki den debe pa despues bendenan pa paga debe?  Asina ta bende patrimonio di pueblo y hinke den man di stranhero. Esaki ta e mentalidad di partidonan cu ta yama nan mes social pero ta manera lobonan bisti na carne cu den realidad ta comunista. Nos bon Dios warda nos Aruba dushi terra for di tur malo y y saca nos for di esclabitud di debe.





Source link

More in Aruba

AD

Advertisement

Trending

Advertisement
To Top