Connect with us

Partido CURPA: Aruba a perde su autonomia pa culpa di gobierno y parlamento

Caribe

Partido CURPA: Aruba a perde su autonomia pa culpa di gobierno y parlamento


LC eric ras

“Si un dia nan mishi cu nos Status Aparte esey kiermen guera.” Expresion di e lider maximo di partido MEP den feliz memoria Gilberto Betico Croes. Awe nos por mira cu e lider di partido MEP y yiu di difunto Betico Croes ta traiciona e lucha di su propio tata y omo. Entrega di nos Status Aparte a cuminsa dia 13 di november 2020 ora nos prome minister a firma COHO.

Awe pa suavisa y busca modo di haya menos golpi a inventa un titulo nobo esta un Rijkswet hibrido. Alexandra van Huffelen a laga sa cu e Rijkswet hibrido no ta existi, pasobra e no tin un base huridico. Dia 27 di augustus 2015 Parlamento di Aruba a pasa e ley di CAft y a bisa cu si ley pasa lo e kita e curason di nos Status Aparte. Nos por corda con partido MEP a lanta pueblo unda a destrui nos Parlamento y por poco a kim’e tambe. Ironia di bida ta cu partido MEP ta entrega nos Status Aparte despues di 9 aña. Partido MEP den 7 aña di gobernacion a traiciona e lucha di Status Aparte.

Pero MEP no ta MEP si no trata na benta santo den wowo di pueblo cu e promesanan y e supuesto logronan. Pa desvia atencion di pueblo diripiente a anuncia entre otro boramento di petroleo den nos awanan teritorial. Cu e paso aki sinembargo gobierno ta actua completamente contra e plan di Desaroyo Sostenibel cu ta contra di boramento di petroleo. No a keda nada otro na e Minister di Economia pa hustifica e “traicion” contra e plan di Desaroyo Sostenibel pa bay contra di e plan di Desaroyo Sostenibel.

Cada movecion cu e gobierno haci ta solamente trece e gobierno di partido MEP den mas luz negativo. Coriente ta bay cada rato, tur caminda tin awa sushi y unda cu bo bira tin un dump. Gobierno tabata debidamente na altura di e estado deplorabel cu e planta di purificacion na Bubaliplas ta aden. E rapport di Carmabi a duna pruebanan contundente, pero gobierno ta prefera di biaha en bes di traha. Awor gobierno no por sconde e berdad mas despues di cu hues den un sentencia a remarca cu pa mas cu binti aña gobierno ta na altura y no a haci nada. Den e ultimo binti añanan a malgasta placa di pueblo y no a worry pa drecha e planta di Bubaliplas.

E partidonan politico den coalicion a sembra mentira y awor ta tempo pa nan recoge nan cosecha. Pueblo a perde tur confiansa den e gobierno aki pa tanto gañamento. E mentirosonan lo no drenta e reino di Dios y e plan di Sustainable Development Goals ta bay contra e leynan di Dios. Aruba esaki ta tempo pa busca Dios, pasobra nos tin un gobierno cu a entrega nos Status Aparte pa motibo di mal gobernacion.

Sabiduria di hende a hinca nos isla den debe y awor solamente cu sabiduria di Dios nos lo sali for di debe. Gobierno por cuminsa na manda tres minister cas y scoge e parlamentarionan husto y recto den e palabra di Dios pa di e forma aki halsa e rol di e instituto mas halto di nos democracia esta parlamento cu lo eherce un miho trabou den controla gobierno y na final di dia cuminsa baha gasto. Nos finansas, educacion y a entrega husticia den man di Hulanda. Riba e ley di matrimonio di mesun sexo nos sa cu mayoria parlamentario ta sostene e ley aki, pero pa probecho politico e resultado a empata. Partido Curpa ta e unico alternativa.





Source link

More in Caribe

A2Z ADMINISTRATION

AD

To Top