Connect with us

Participacion record na e di cuater Diabetes Walk & Run

Aruba

Participacion record na e di cuater Diabetes Walk & Run


Awe 14 di november ta Dia Internacional di Diabetes, pa cual Botica di Servicio a organisa nan di cuater Diabetes Walk & Run. Sharlene Leslie, Project Coordinator di Fundacion Diabetes Aruba, a enfatusa cu esaki a duna oportunidad pa nan haci algo activo y saludabel pa nan mes. Pero tambe pa para keto riba diabetes. No solamente diabetes tipo II pero tambe diabetes tipo I. 

A pesar di e situacion di Covid-19, toch tabatin un acogida grandi pa e evento aki. Hopi hende a bini hunto, teniendo cuenta cu distancia, cu tapaboca y na un manera sigur, a haci algo activo hunto y na mesun momento saludabel. 

Boticia di Servicio, a pesar di e situacion dificil di Covid na Aruba, a organisa e Walk & Run aki y banda di esey, a haci un donacion na Fundacion Diabetes Aruba, pa cual Sharlene Leslie a gradici tur esunnan cu a participa na e evento como tambe tur esunnan cu a haci e evento aki posibel. 

Franz Sydow, Assistant-Managing Director na Botica di Servicio y tambe co-organisado di e Diabetes Walk & Run, a indica cu nan a kibra record di participante e aña aki. Nan a tuma tur e medidanan concerni, pero locual a logra ta algo cu Sydow ta sumamente orguyoso di dje. Tambe nan ta hopi agradecido cu nan partner a logra pone un evento exitoso aki. 

Tabata tin varios categoria, cual tabata tin esun di 10 km, cu a sali 5:30 am y a bay te cu The Cove Mall y a caba bek na Botica Eagle. Tabata tin tambe e di 5 km, cu a bay te cu Blue Residence y bin bek na Botica Eagle. Pa e muchanan, nan tabata tin1.5km, 3km, 800m, 400 y 200 m. 

Bou di e muchanan tabata tin hopi interes tambe pa participa. E organisadonan a traha di cerca cu SKOA, duna nan tur e informacion necesario pa asina por logra haya mas mucha posibel pa participa. E cantidad di mucha cu a participa a surpasa tur expectativa, despues cu e muchanan tabata tin asina hopi tempo sin cu nan por a core.

Por ultimo, Frans Sydow a gradici tur e participantenan cu a haci e evento aki posibel y exitoso, como tambe tur nan sponsornan. 





Source link

Click to comment

Leave a Reply

Your email address will not be published. Required fields are marked *

More in Aruba

To Top