Connect with us

Parlamentario Tromp : Xiomara Maduro no ta sirbi pa Minister di Finanza

Caribe

Parlamentario Tromp : Xiomara Maduro no ta sirbi pa Minister di Finanza


Untitled design411

Parlamentario di fraccion di MAS drs. Marisol Tromp a manda un carta cu un serie di pregunta pa Minister di Finanza Xiomara Maduro. E ta referi na promesa haci door di e mandatario cu te ainda e no a cumpli cu nan. Y pa cual e ta puntra si Maduro ta sirbi pa ocupa e funcion di Minister di Finanza.

A manda e carta pa Presidente di Parlamento cu e peticion pa esakinan yega na e titular di Finanza y Cultura.

“Den cuadro di accountability y transparencia y integridad di gobernacion, Gobierno mester entrega su cuentanan anual financiero (jaarrekening) di pais Aruba cada aña na Parlamento di Aruba. Gabinete Wever-Croes a priminti cu e lo cumpli cu e responsabilidad aki pero en realidad esaki no a sosode,” Tromp ta bisa den e carta.

Segun e parlamentario di fraccion di MAS, parlamento no a ricibi niun cuenta anual financiero for di Gobierno den e ultimo añanan. A tuma nota tambe den un rueda di prensa den cual CUA (Comerciantenan Uni Aruba) a expresa nan mes indicando cu e jaarrekening 2018 tawata e ultimo cu cuenta financiero anual cu gobierno a traha.

Tromp ta menciona cu na final di 2023 Minister di Finanzas Xiomara Maduro a indica cu e cuentanan anual 2019 te cu 2023 lo ta kedando cla, y cu lo entrega nan den FASE na Staten den e periodo di februari te cu october 2024.

Sinembargo a tuma nota cu casi mita aña di 2024 t’ey pasa y Parlamento di Aruba no a ricibi ni e cuenta anual di 2019. “Kico ta e motibo pa e tardanza y con a para cu e palabracion aki?”

E ta puntra tambe si e Minister di Finanzas ta capaz pa dirigi su departamento di Finanzas. Y si e director di departamento di Finanzas por cumpli cu e palabracion haci.

E ta menciona cu Minister y tambe Director di Departamento di Finanzas a yega di informa cu nan lo ta reorganisando e Departamento di Finanzas pa hacie mas eficiente y cu nan ta trahando riba e palabracionnan den Landspakket. Den cuadro di esaki, e kier cua posicionnan lo wordo crea y cua posicionnan lo wordo elimina?

Pero tambe e kier sa con esaki lo fit den e supervision financiero den forma di Rijkswet cu lo bay firma awo atrobe.

Pero mas cu tur cos, e parlamentario kier sa ken su tarea e ta pa produci e cuentanan anual di pais Aruba y dicon cada bes aparentemente tin contratiempo.





Source link

More in Caribe

A2Z ADMINISTRATION

AD

To Top